49:625  625  SUR  L'EPITRE  AUX  CORINTHIENS.  626  pour  un  iour,  a  cause  de  la  paillardise.  Oar  ce  n'est  point  a  nous  d'apporter  nostre  fantasie,  quand  nous  voudrons  iuger  des  pechez,  s'ils  sont  grans  ou  petis  :  il  n'y  a  que  la  balance  de  Dieu  qui  soit  ici  iuste  et  equitable.  Et  ainsi,  que  les  hommes  ne  se  trompent  plus,  alleguans  que  la  paillardise  est  une  chose  a  supporter:  comme  nous  voyons  que  ces  chiens  mastins  l'appellent  un  peche  naturel,  quand  ils  se  mocquent  des  reprehensions  et  sainctes  remonstrances  qu'on  leur  fait.  Et  ce  n'est  pas  d'auiourd'huy  que  le  diable  a  ainsi  aveugle  les  hommes  et  leur  a  fait  desgorger  ces  propos  tant  profanes.  Car  voyla  pourquoy  Sainct  Paul  advertit  aussi  les  fideles,  Qu'on  ne  vous  trompe  point  par  paroles  vaines,  dit-il,  car  pour  ces  choses  l'ire  de  Dieu  vient  sur  les  incredules.  Sainct  Paul  declare  la  que  desia  de  son  temps  on  oyoit  que  plusieurs  disoyent  touchant  les  paillardises,  llo,  cela  est  a  pardonner,  car  c'est  un  peche  naturel:  comme  nous  scavons  que  ces  vileins  ont  des  propos  si  detestables,  qu'ils  sont  dignes  d'estre  abysmez  au  profond  des  abysmes,  et  ceux  qui  les  prononcent  a  leur  exemple.  Sainct  Paul  donc  (comme  ie  vien  de  dire)  prononce  que  desia  son  temps  estoit  ainsi  corrompu.  Mais  quoy?  Il  adiouste  que  quand  les  hommes  se  seront  ainsi  enyvrez,  ou  plustots  ensorcelez  de  leurs  vaines  flateries,  Dieu  ne  laissera  point  de  condamer  le  mal,  et  de  faire  son  office:  et  que  comme  il  a  execute  ses  iustes  vengences  le  temps  passe,  encores  verrons  nous  le  semblable  :  non  point  comme  i'ay  dit  en  mesme  facon,  mais  quoy  qu'il  en  soit,  si  faut-il  conclurre,  que  Dieu  n'a  point  change  de  nature,  et  que  sa  iustice  est  tousiours  egale,  combien  qu'elle  ne  se  declare  point  tousiours.  C'est  donc  ce  que  nous  avons  a  retenir,  que  quand  il  nous  semblera  que  la  paillardise  ne  doit  point  estre  si  rudement  punie  ;  que  nous  scachions  que  Dieu  y  est  outrage  et  viole,  d'autant  que  son  sainct  Temple  (comme  i'ay  dit)  est  corrompu  :  apres  nostre  Seigneur  Iesus  y  est  comme  deschire  par  pieces:  apres  toute  honnestete  y  est  abolie.  Car  quand  les  hommes  et  femmes  se  meslent  ainsi  comme  des  bestes  brutes  sans  discretion,  c'est  autant  comme  si  nous  aneantissions  ce  que  Dieu  nous  a  ordonne  pour  approcher  de  luy.  Car  il  a  imprime  sa  marque  en  nous,  pour  dire  que  nous  portions  son  image:  et  ceste  image-ci  ne  gist-elle  point  en  partie  en  ce  que  les  hommes  ne  s'abandonnent  pas  ainsi  a  tous  propos,  selon  qu'un  homme  rencontre  une  femme,  comme  un  chien  une  chiene:  mais  qu'un  chacun  ait  son  parti,  et  qu'il  y  ait  une  compagnie  benite  de  Dieu,  et  laquelle  il  approuve  ?  Au  contraire  quand  les  hommes  abusent  ainsi  de  Tordre  qu'il  a  mis  entr'eux,  n'est  ce  pas  raison  qu'il  desploye  ici  une  grunde