48:625  625  SERMONS  DE  LA  PENTECOSTE.  626  doctrine  qu'on  nous  presche  est  sa  pure  verite  et  infalible.  Voyla  donc  a  quoy  il  nous  faut  rapporter  la  somme  de  ce  que  nous  avons  leu:  c'est  que  quand  il  s'est  esmeu  un  grand  tourbillon  comme  d'un  vent  impetueux,  Dieu  a  voulu  monstrer  par  signe  visible  qu'il  avoit  choisi  les  douze  Apostres  pour  porter  le  message  de  salut  ca  et  la.  Il  est  vray  que  pour  lors  ils  n'estoyent  qu'onze,  mais  le  nombre  de  douze  n'a  pas  laisse  de  tousiours  demeurer  en  son  entier  ��t  bien  arreste,  d'autant  qu'au  lieu  de  Iudas  Mathias  a  este  mis.  Et  voyla  comme  le  nombre  a  este  repare  qui  avoit  este  dissipe  au  paravant:  et  ceste  interruption  n'a  este  que  pour  un  petit  de  temps,  comme  S.  Luc  l'a  recite  ci-dessus.  Voyla  donc  les  douze  Ambassadeurs  de  nostre  Seigneur  Iesus  Christ,  qui  avoyent  este  desia  choisis  de  luy  et  marquez.  Mais  cependant  il  les  faut  munir  de  graces  qui  estoyent  requises  a  une  charge  tant  difficile  et  tant  haute.  Il  faut  donc  qu'ils  soyent  faconnez  d'enhaut,  et  que  Dieu  y  besongne  d'une  facon  estrange  et  admirable,  et  qui  surmonte  toute  capacite  humaine.  Or  quant  a  qu'il  y  a  eu  un  vent  et  tourbillon  esmeu,  c'a  este  pour  monstrer  que  le  sainct  Esprit  ne  descen  doit  point  sur  les  Apostres  pour  les  faire  seulement  participans  de  ses  graces,  mais  aussi  afin  que  tout  le  monde  en  fust  esmeu.  Car  il  avoit  este  dit  par  le  Prophete  Aggee,  Encores  un  petit  de  temps  et  ie  feray  trembler  le  ciel  et  la  terre,  dit  le  {Seigneur.  Or  cela  a  este  accompli  en  la  predication  de  l'Evangile.  Nous  voyons  donc  quand  le  S.  Esprit  est  descendu,  que  ce  n'a  pas  este  seulement  pour  une  petite  poignee  de  gens,  mais  afin  que  cela  parveinst  a  tous  les  bouts  et  extremitez  du  monde.  Car  autrement  ceste  histoire  nous  seroit  bien  froide,  si  nous  n'estions  bien  persuadez  que  c'a  este  pour  nous  et  pour  l'edification  de  nostre  foy  que  Dieu  a  envoye  une  fois  son  sainct  Esprit.  Au  reste,  Dieu  pouvoit  bien  d'une  facon  plus  douce  envoyer  le  sainct  Esprit.  Mais  notons  que  ceste  impetuosite  a  este  pour  abbatre  tout  orgueil  de  la  chair,  et  d'autre  coste  pour  nous  esveiller,  d'autant  que  nous  sommes  par  trop  assopis  et  tardifs.  Il  y  a  deux  vices  bien  grans  en  nous,  qui  empeschent  que  nous  ne  sentions  la  vertu  de  l'Esprit  de  Dieu,  pour  nous  ranger  a  l'Evangile.  L  un  c'est  que  nous  sommes  hautains  et  pleins  de  presomption.  Or  il  faut  que  tout  cela  soit  abbatu,  et  qu'en  humilite  nous  apprenions  grans  et  petis  de  faire  tel  hommage  a  Dieu,  que  nous  soyons  aneantis  du  tout,  et  que  nous  tenions  nostre  vie  de  luy  et  de  sa  pure  grace.  Il  est  donc  besoin  que  cest  orgueil  qui  est  enracine  en  nostre  nature  soit  reprouve,  voire  d'une  facon  violente,  pource  que  nous  y  sommes  par  trop  endurcis.  D'autre  coste  chacun  sent  en  soy  une  pesanteur  terrestre,  tellement  que  nous  sommes  preoccupez  et  enveloppez  en  ce  monde.  Calvini  opera.  Vol  XLVIII.