35:625  625  DE  LA  PROPHETIE  DE  CHRIST.  626  estant  le  Iuge  du  monde,  a  bon  droict  nous  hait  et  nous  tient  tous  detestables:  car  (comme  il  sera  encores  declare  tantost)  qu'apportons  nous  du  ventre  de  la  mere,  et  quel  thresor  amassons  nous  tous  le  temps  de  nostre  vie?  Nous  ne  cessons  de  provoquer  Tire  de  Dieu,  comme  si  nous  avions  complote  avec  Satan  de  tousiours  allumer  le  feu  de  plus  en  plus.  Voyla  donc  comment  nous  meritons  d'estre  hays  et  reiettez  de  Dieu.  Voyla  pourquoy  il  est  arme  en  son  ire  contre  nous:  car  il  est  impossible  qu'il  ne  nous  soit  contraire,  d'autant  que  nous  bataillons  a  l'encontre  de  luy,  que  nous  faisons  ainsi  la  guerre  a  tout  bien,  et  violons  toute  iustice.  Il  faut  que  (di-ie)  Dieu  pour  ce  regard  se  leve  contre  nous  en  iugement:  car  nous  scavons  que  c'est  son  office  propre  de  maintenir  l'equite  et  droiture.  Et  puis  qu'ainsi  est  qu'il  nous  voit  pleins  d'iniquite  et  de  corruption,  et  rebelles  du  tout,  il  faut  bien  qu'il  despioye  son  bras,  et  monstre  que  d'autant  que  nous  luy  sommes  ennemis,  il  nous  rendra  la  pareille.  Il  n'y  a  donc  point  de  paix,  et  nos  consciences  nous  argueront  tousiours:  et  combien  que  nous  taschions  de  nous  endormir  en  nos  flatteries,  Dieu  ne  laissera  point  de  nous  donner  des  pointes,  et  des  aiguillons,  tellement  que  nous  sentirons  en  despit  de  nos  dents,  qu'il  n'y  a  que  malice  et  ingratitude  en  nous.  Ainsi  donc  il  est  impossible  que  Dieu  nous  soit  pitoyable,  et  que  nous  soyons  asseurez  de  trouver  grace  devant  luy,  iusques  a  ce  que  la  correction  soit  faite.  Non  pas  que  Dieu  appete  vengeance  a  la  guise  et  facon  des  hommes.  Celuy  qui  sera  esmeu  en  cholere,  voudra  qu'on  repare  la  faute,  et  qu'il  y  ait  quelque  amende  et  quelque  punition,  tellement  qu'il  en  soit  venge:  Dieu  n'ha  point  de  passions  semblables.  Mais  quoy  qu'il  en  soit,  afin  que  nous  ayons  tant  plus  horreur  de  nos  pechez,  et  que  nous  apprenions  de  les  detester,  il  veut  que  sa  iustice  nous  soit  cognue,  et  la  rigueur  de  son  iugement.  Si  Dieu  nous  pardonnoit  sans  que  Iesus  Christ  eust  intercede  pour  nous,  et  se  fust  constitue  plege  en  nostre  nom,  nous  n'en  tiendrions  conte:  chacun  torcheroit  sa  bouche:  et  aussi  nous  prendrions  de  la  occasion  de  nous  donner  tant  plus  grande  licence.  Mais  quand  nous  voyons  que  Dieu  n'a  point  espargne  son  Fils  unique,  et  qu'il  l'a  traitte  en  telle  rigueur,  et  si  extreme,  qu'il  a  souffert  en  son  corps  tout  ce  qu'il  estoit  possible  de  souffrir  de  douleurs,  et  qu'en  son  ame  mesme  il  a  este  afflige  iusques  au  bout,  iusques  a  s'ecrier,  Mon  Dieu,  mon  Dieu,  pourquoy  m'as-tu  laisse?  Quand  nous  oyons  toutes  ces  choses,  il  est  impossible  (ou  nous  sommes  plus  endurcis  que  pierres)  que  nous  ne  fremissions  et  concevions  une  telle  crainte  et  estonnement  en  nous,  que  ce  soit  pour  nous  rendre  du  tout  confus  :  et  que  nos  offenses  et  iniquitez  ne  nous  soyent  detestables,  Calvini  opera.  Voi.  XXXV.