25:625  625  SUR  LE  DEUTER.  CHAP.  I.  626  nous,  mais  afin  de  suyvre  sa  saincte  vocation,  afin  de  ne  point  aneantir  sa  grace,  non  point  encores  que  nous  puissions  remuer  un  doigt,  que  Dieu  ne  besongne  en  nous  par  son  sainct  Esprit.  Car  quand  il  est  dit:  Tires,  marcher  avant,  ce  n'est  pas  que  le  peuple  le  puisse  faire:  mais  quand  Dieu  nous  a  exhortez,  il  imprime  en  nos  coeurs  sa  doctrine:  afin  qu'elle  ne  soit  point  inutile,  il  nous  incite  :  bref  il  besongne  en  nous  en  telle  efficace,  qu'apres  nous  avoir  donne  le  vouloir,  il  nous  donne  quant  et  quant  l'effect,  ainsi  que  8.  Paul  en  traitte  au  2.  chap.  des  Phil.  Tant  y  a  que  nous  devons  bien  retenir  ce  que  i'ay  touche,  c'est  que  Dieu  ne  nous  offre  point  sa  grace,  afin  que  nous  demourions  la  comme  endormis,  et  que  ce  nous  soit  tout  un  :  mais  c'est  pour  nous  inciter  a  bien  faire,  comme  il  est  dit:  Que  sa  bonte  et  l'amour  qu'il  a  portee  aux  hommes  est  apparue.,  afin  qu'il  s'acquist  un  peuple  sainct,  propre  a  bonnes  oeuvres,  et  que  nous  cheminions  en  toute  purete,  attendant  la  revelation  de  la  vie  qu'il  nous  promet.  Et  si  cela  a  eu  lieu  sous  les  ombres  de  la  Loy,  par  plus  forte  raison  auiourd'huy  il  faut  que  nous  le  facions.  Ainsi  donc  notons  bien  que  Dieu  nous  a  mis  en  avant  les  richesses  infinies  de  sa  bonte  et  misericorde,  qu'il  nous  a  ouvert  la  porte  des  cieux,  afin  que  nous  aspirions  a  luy,  et  qu'en  nous  despouillant  de  toutes  nos  affections  terrestres,  nous  ne  demandions  sinon  a  eslever  nos  coeurs  en  haut  pour  passer  par  ce  monde,  ostant  tous  les  liens  qui  nous  retiennent  et  empeschent:  que  de  toute  nostre  puissance  nous  mettions  peine  de  venir  a  luy,  sachans  que  la  vie  presente  est  une  course,  qu'il  ne  faut  point  que  les  hommes  s'apparessent  en  ce  lieu,  ne  qu'ils  y  croupissent:  mais  plustost  que  nous  allions,  voire  selon  que  nostre  Seigneur  ne  cesse  de  dire  :  Venez,  venez,  approchez  de  moy.  Que  si  nous  y  tendons,  nous  ne  serons  plus  en  danger  de  vaguer  ca  et  la,  mais  nous  tendrons  au  but  que  Dieu  nous  aura  propose,  et  iamais  nous  n'aurons  repos,  que  nous  n'y  soyons  parvenus.  Or  cependant  Moyse,  afin  de  donner  courage  au  peuple,  luy  declaire  qu'il  ne  travaillera  point  en  vain.  Venez,  dit-il,  possedee  la  terre:  et  c'est  encores  un  article  bien  notable.  Car  si  nous  emploiyons  nostre  labeur,  et  que  nous  ne  seussions  pas  que  c'est  que  nous  profitons  en  servant  a  Dieu,  nous  serions  lasches,  et  a  chacune  minute  nous  perdrions  courage.  Mais  quand  nous  sommes  certains  que  nostre  course  ne  sera  point  vaine,  et  qu'il  nous  tendra  la  main,  qu'il  ne  nous  faut  point  craindre,  combien  que  Satan  s'efforce  de  nous  empescher,  qu'il  en  vienne  a  bout.  Quand  donc  nous  aurons  une  telle  certitude,  que  nostre  Seigneur  nous  mettra  en  possession  des  choses  qu'il  nous  offre,  voila  qui  nous  incite,  voila  qui  nous  donne  une  vertu  et  constance  invincible  pour  resister  a  tou-  Calvini  opera.  Voi.  XXV.