9:624  chacun  selon  la  mesure  de  sa  cognoissance  d'attirer  les  autres  avec  nous:  comme  il  est  dit,  Que  chacun  prendra  son  prochain  par  le  bras,  et  luy  dira  :  Venez,  montons  en  la  montagne  du  Seigneur,  et  il  nous  apprendra  ses  voyes  (Mich.  4,  2).  De  faict  8.  Paul  ne  parle  point  a  deux  ou  a  trois,  mais  a  tous  en  general,  en  disant  qu'ils  s'enseignent  et  s'edifiant  mutuellement  les  uns  les  autres.  Mais  ce  bon  maistre  de  silence  replique,  Que  nostre  Seigneur  Iesus  a  defendu  a  ses  Apostres  apres  qu'ils  avoyent  converse  familierement  avec  luy  et  avoyent  presche  et  fait  miracles  en  son  nom,  de  ne  point  dire  qu'il  fust  le  Christ  (Matth.  16,  20).  Yoire,  mais  il  faut  noter  le  temps:  c'est  qu'il  estoit  prochain  de  sa  mort,  laquelle  leur  devoit  estre  un  scandale  pour  les  aliener  de  luy  :  d'autant  qu'ils  avoyent  imagine  un  royaume  terrien  pour  faire  leurs  triomphes.  Il  leur  commande  donc  de  se  taire  pour  peu  de  temps,  a  fin  que  leur  tesmoignage  ne  soit  point  ridicule  pour  les  faire  vilipender  a  l'advenir.  En  somme  il  convient  prattiquer  d'une  part  et  d'autre  ce  qui  est  dit  au  Pseaume  (116,  10),  I'ay  creu,  et  pourtant  ie  parleray:  c'est  que  nul  ne  s'ingere  de  faire  du  prescheur  outre  la  portion  de  foy  qu'il  a  receue  :  et  ce  pendant  que  ceux  que  Dieu  a  eclairez  par  sa  grace  ne  soyent  point  muets.  Ainsi  la  conclusion  que  fait  ce  brouillon,  que  tous  ceux  qui  n'ont  point  veu  Iesus  Christ  a  l'oeil,  et  ne  l'ont  point  touche  a  la  main,  comme  sainct  Iehan  se  glorifie  qu'il  a  fait  (1.  Iean.  1,  1),  se  doivent  abstenir  du  tesmoignage  de  verite,  est  une  sotise  tant  enorme,  que  c'est  asses  de  la  detester  sans  en  faire  plus  longue  [page  70]  dispute.  Car  par  ce  moyen  il  s'ensuyvroit  que  sainct  Paul  n'a  point  deu  parler  de  Iesus  Christ.  Il  descouvre  derechef  son  impiete,  en  disant,  Que  celuy  qui  voudra  estre  tesmoin  de  la  verite  doit  confesser  qu'il  n'a  iamais  cogneu  Dieu,  ne  Christ,  ne  soy-mesme.  Or  par  ce  moyen  tous  seront  privilegiez  de  iamais  ne  sonner  mot  a  la  gloire  de  Dieu.  Car  si  on  le  veut  croire,  nul  ne  doit  rien  confesser  sinon  qu'il  ait  cognoissance  parfaite.  Or  maintenant  il  veut  que  tous  se  disent  ignorans.  Ainsi  Dieu  n'aura  plus  un  seul  tesmoin  au  monde.  Quant  a  ce  qu'il  nous  faut  bien  garder  que  Iesus  Christ  ne  nous  dise  comme  il  a  fait  au  diable,  Tay-toy  (Marc.  1,  25):  ou  comme  Dieu  fait  a  tous  meschans,  disant:  Pourquoy  prens-tu  mon  nom  en  ta  bouche?  (Pseaume  50,  16),  ie  luy  accorde.  Car  ce  n'est  pas  sans  cause  que  sainct  Paul  exhorte  que  ceux  qui  reclament  le  nom  du  Seigneur  ayent  a  se  retirer  de  toute  iniquite  (2.  Tim.  2,  19).  Et  aussi  nous  preschons  soigneusement  ce  qui  nous  est  monstre  par  Isaie  (29,  13),  a  savoir  que  Dieu  deteste  tous  ceux  qui  approchent  de  luy  de  leur  bouche,  et  en  sont  eloignez  de  coeur.  Mais  ce  n'est  pas  a  dire  qu'en