7:624  panem  defixis:  quod  est  non  minus  a  recta  fidei  regula,  quam  a  gloriosa  Christi  maiestate  alienum.  Iam  quod  peracta  coena  manere  nihilominus  aiunt  Christi  corpus,  quamdiu  panis  consecratus  servatur:  *)  id  addi  pportuit,  ut  sibi  in  errore  constarent.  Quo  enim  transvolaret  Christi  corpus,  si  in  locum  panis  semel  subiisset?  Verum,  qualem  iis  religionem  dicemus  esse,  qui  tam  putidis  ineptiis  assentiuntur:  nisi  quod  potius  simulant  ?  Quis  enim,  nisi  plane  a  diabolo  fascinatus,  plus  appetet  in  sacramento,  quam  quod  continent  promissiones?  Nunc  expendamus  Christi  verba.  Certe  non  panem  alloquitur,  ut  fieri  corpus  suum  iubeat.  Panis  ergo  non  sibi,  neque  in  se  corpus  est:  sed  nobis,  quatenus  nobis  in  spirituale  symbolum  offertur.  Deinde  quum'  inter  se  cohaereant  [pag.  126]  mandatum  et  promissio,  nostrum  non  est  divellere,  quae  filius  Dei  coniunxit.  Quid  autem  ille?  Priusquam  nobis  corpus  et  sanguinem  suum  promittat,  iubet  accipere,  edere  et  bibere.  Tollatur  nunc  communicatio  quam  praecipit,  quem  amplius  locum  habebit  quae  annexa  est  promissio?  Corpus,  inquam,  suum  nobis  Christus  porrigit,  sed  edendum:  sanguinem  suum  propinat,  sed  bibendum.  Tota  ergo  vis  consecrationis  ad  nos  dirigitur,  non  ad  panem  aut  vinum  :  et  quidem  ad  nos,  mandato  Christi  obtemperantes.  Haec  relatio  melius  ex  simili  patefiet.  Paulus  man  cibum  fuisse  spiritualem  testatur,  et  aquam  ex  petra  profluentem  similiter  eundem  cum  nostro  spiritualem  cibum  (1  Cor.  10,  3.  4).  Clara  verba  sunt,  sub  diversis  licet  signis,  eiusdem  patres  illos  Christi  fuisse  nobiscum  participes.  Quis  autem  fando  audivit,  lagenam  mannae,  quae  servata  fuit,  a  piis  fuisse  adoratam?  Imo  quum  furioso  prope  impetu  ad  omne  genus  idololatriae  proiecti  essent  Iudaei,  nemini  hoc  venit  unquam  in  mentem.  Quid  si  aliquid  inter  edendum  casu  decidisset,  an  pedibus  calcatum  fuisset  Christi  corpus?  Quid?  quum  putrescebat  quod  ultra  iustam  mensuram  collectum  fuerat,  an  vitium  accidebat  Christi  corpori?  Si  quis  aqua  illa  sordes2)  lavisset,  an  infectus  fuisset  Christi  sanguis?  Quod  terrae  venis  hauriebatur,  quod  potabant  iumenta  (nam  aliunde  nulla  erat  aquatio)  quid  erat  praeter  aquam?  Videmus  ergo,  signis  nihil  subesse,  nisi  eorum  respectu  ad  quos  significatio  pertinet.  Atque  hoc  simili  refutatur  etiam  quod  de  adoratione  garriunt.  Nam  quum  petram  fuisse  Christum  testetur  Paulus,  non  tamen  adeo  stupidi  erant  Israelitae,  ut  se  [pag.  127]  coram  ipsa  prosternerent.  Verum  ad  causam,  quae  nunc  in  manibus  est,  redeo.  Volunt  mediatores  consecratione  facta  remanere  semper  extra  coenae  usum  Christi  corpus.  Certe  si  quid  valere  debent  coniecturae,  quum  primam  1)  en  ce  qui  reste  d'oublie.  2)  ses  drapeaux.