5:624  lieux  le  Magistrat  civil,  par  une  ancienne  et  maulvaise  coustume,  est  trop  negligent  a  punir  les  adulteres:  a  ceste  cause  les  pasteurs  et  iuges  ecclesiastiques  doivent  estre  plus  diligens  et  songneux  en  leur  office.  Que  le  pasteur  admoneste  ceux  qui  seront  subiectz  et  adonnez  a  crimes  comme  sont  les  adulteres,  mespris  de  la  Religion  chrestienne,  a  la  maniere  des  Epicuriens,  parolles  de  blaspheme,  pariuremens  ou  aultres  crimes.  Si  estant  admoneste,  il  ne  promet  changement  de  meurs,  qu'il  l'accuse  a  la  congregation  des  iuges:  iceux  apres  avoir  faict  bonnes  information  s,  qu'ilz  iettent  la  sentence  d'excommunication  contre  celuy  qui  sera  coulpable,  donnans  a  congnoistre  leur  sentence  au  Magistrat  civil.  Et  ainsi  que  les  iugemens  soyent  commis  aux  eslouz  qui  seront  en  certain  nombre,  gens  graves,  scavans,  et  equitables:  de  paour  qu'il  ne  semble  que  le  pasteur  ou  quelque  aultre  plustost  par  haine  ne  mette  le  coulpable  en  danger,  qu'il  l'ait  accuse  estant  esmeu  par  la  forme  de  son  office.  Aussi  qu'il  ne  soit  permis  au  seul  pasteur  de  ietter  sentence  d'excommunication  sans  aucune  assemblee  des  iuges,  ou  sans  avoir  appelle  quelques  gens  des  plus  apparens  et  honnestes  de  son  Eglise.  Car  puis  que  ce  sont  iugemens  de  l'Eglise,  plusieurs  doivent  estre  convoquez,  comme  sainct  Paul  l'enseigne.  Tyrannie  [fol.  135]  est  ennemie  a  l'Eglise.  Parquoy  on  doit  eviter  apparence  de  tyrannie,  es  iugemens  ecclesiastiques.  On  doit  a  telles  assemblees  de  iuges  donner  charge  de  visiter  les  Eglises,  la  ou  sera  faicte  inquisition  de  la  doctrine  des  pasteurs.  Que  les  estourdiz  qui  sement  faulse  doctrine  soyent  reprimez,  superstitions  soyent  abolies,  et  les  images,  esquelles  se  font  les  vogues;  qu'on  ayt  l'oeil  sur  les  escoles,  et  que  les  estudes  soyent  bien  conduictz.  Aussi  les  Imprimeurs  ne  sont  a  laisser  derriere,  car  c'est  une  chose  de  grande  importance,  de  scavoir  quelz  livres  sont  miz  en  avant,  et  se  bien  donner  garde  que  faulse  doctrine  ou  libelles  diffamatoires  ne  soyent  espanduz.  Donc  que  le  Magistrat  depute  aux  Imprimeurs  certains  iurez,  et  qu'il  ne  soit  permis  d'imprimer  livres  qui  ne  soyent  approuvez  par  iceux.  Aussi  qu'inquisition  soit  faicte  des  meurs  des  pasteurs  et  du  peuple:  si  on  trouve  que  le  pasteur  ayt  commis  quelque  meschancete,  qu'il  soit  puny  par  les  peines  rigoreuses  des  loix;  et  de  tant  moins  il  fauldra  laisser  passer  les  paillardises  et  adulteres  des  Prestres  pource  que  nous  demandons  que  le  mariage  leur  soit  ottroye.  Parquoy  ces  forfaictz  doivent  estre  puniz  par  peines  tresrigoreuses  du  corps.  Aussi  que  les  visitateurs  ayent  esgard  sur  les  comptes  du  thresor  des  Eglises,  et  facent  que  les  gages  soyent  fidelement  payez  aux  Pasteurs,  Dia-