49:624  trop  certaines:  car  si  nous  paillardons  le  temple  de  Dieu  est  viole.  Cela  a  este  de  tout  temps,  mais  auiourd'huy  il  est  plus  declare  que  iamais.  Quand  nous  voudrons  avoir  la  paillardise  en  horreur,  il  nous  faut  venir  a  ce  principe,  Que  nos  corps  sont  temples  du  S.  Esprit.  Celuy  donc  qui  se  mesle  en  telle  pollution,  il  dechasse  Dieu  et  le  bannit  de  soy,  et  prophane  le  temple  auquel  sa  maieste  reside.  Cela  nous  est  bien  commun  avec  les  Peres  anciens,  comme  i'ay  dit:  mais  ils  n'en  ont  point  eu  revelation  si  claire  comme  nous  l'avons  en  l'Evangile:  car  ils  n'ont  pas  cognu  qu'ils  estoyent  membres  de  nostre  Seigneur  Iesus  Christ.  Ils  ont  bien  sceu  que  le  Mediateur  qui  devoit  estre  envoye,  estoit  chef  de  toute  l'Eglise:  ils  ont,  di-ie,  cognu  cela  comme  en  nuee:  mais  auiourd'huy  nous  scavons  que  le  Fils  unique  de  Dieu  a  vestu  nostre  chair  et  nostre  nature,  afin  que  nous  ayons  fraternite  avec  luy  :  et  qui  plus  est,  que  par  une  saincte  union  et  secrete,  laquelle  nous  ne  comprenons  point  selon  nostre  sens  naturel,  nous  bomraes  participans  de  la  substance,  qu'il  est  nostre  nourriture  et  que  nous  avons  une  vie  commune  avec  luy.  Quand  donc  toutes  ces  choses  nous  sont  preschees,  cuidons  nous  eschapper  la  main  de  Dieu,  apres  nous  estre  iouez  si  vileinement  de  luy?  et  mesmement  veu  qu'il  nous  a  supportez  beaucoup  plus  que  n'ont  pas  este  ceux  dont  parle  Moyse,  et  que  S.  Paul  aussi  allegue.  Ceux  la  ont  este  exterminez.  Voire,  mais  c'est  ce  que  Dieu  reserve  a  celuy  qui  auiourd'huy  demeurera  obstine  en  son  mal,  veu  qu'il  se  mocque  pleinement  de  Dieu,  et  souille  entant  qu'en  luy  est  le  sang  de  nostre  Seigneur  Iesus  Christ,  par  lequel  il  avoit  este  nettoye,  et  le  met  en  la  fange  et  en  la  puantise,  (comme  feroit  un  pourceau)  ne  faisant  nul  scrupule  de  polluer  le  temple  de  Dieu,  et  deschirer  le  corps  de  nostre  Seigneur  Iesus  Christ  par  pieces.  Celuy  donc  qui  auiourd'huy  s'adonne  a  tels  outrages,  pourra-il  demeurer  impuni?  Voyla  comment  nous  devons  pratiquer  ceste  doctrine,  quand  S.  Paul  dit  que  l'histoire  que  Moyse  recite,  nous  est  un  miroir  pour  nous  faire  contempler  que  les  paillars  ne  demeureront  point  impunis  devant  le  Iuge  celeste.  Et  que  si  auiourd'huy  la  vengence  ne  s'accomplit,  ce  n'est  pas  que  nous  en  ayons  meilleur  marche.  Il  vaudroit  beaucoup  mieux  que  les  corps  souflrissent,  et  fussent  menez  dix  fois  au  gibbet  que  de  se  trouver  en  la  presence  de  Dieu  en  telle  sorte  qu'il  faudra  que  vienent  ceux  qui  seront  demeurez  obstinez  et  endurcis  en  leur  mal.  Voyla  quant  a  un  item.  Et  de  la  aussi  nous  avons  a  recueillir  qu'on  ne  peut  pas  accuser  Dieu  de  rigueur  excessive,  quand  il  a  extermine  vingt  et  quatre  mille  hommes