35:624  a  voulu  que  le  tout  luy  fust  impute,  et  qu'il  en  rendist  conte,  et  fist  le  payement.  Voyla  donc  comme  il  nous  faut  prendre  les  mots  du  Prophete,  quand  il  dit  que  Iesus  Christ  n'a  .  pas  este  crucifie  seulement  par  la  main  des  hommes,  mais  qu'alors  il  a  comparu  devant  le  siege  iudiciai  de  Dieu,  que  la  il  a  respondu  en  nostre  nom,  que  la  il  s'est  soumis  a  porter  la  charge  que  nous  avions  meritee.  Et  voyla  aussi  pourquoy  notamment  il  adiouste  qu'il  a  porte  nos  fautes  et  transgressions:  comme  aussi  sainct  Pierre  en  parle,  et  exprime  ce  mot  de  croix  ou  de  bois,  pour  monstrer  que  ceste  espece  de  mort  que  le  Fils  de  Dieu  a  soufferte,  a  este  un  tesmoignage  visible  et  patent  que  nos  iniquitez  estoyent  mises  sur  luy:  car  il  estoit  dit  en  la  Loy,  Maudit  sera  celuy  qui  pendra  au  bois.  Iesus  Christ  y  a  este  pendu,  afin  que  nous  cognoissions  qu'il  a  este  comme  maudit  en  nostre  personne:  ainsi  que  sainct  Paul  en  parle  aux  Galates.  Car  il  nous  propose  qu'il  faut  bien  qu'en  cela  nous  considerions  une  bonte  admirable  de  Dieu  et  un  amour  infini  de  nostre  Seigneur  Iesus  Christ,  qu'il  nous  a  porte,  quand  non  seulement  il  a  voulu  mourir  pour  nous,  mais  a  souffert:  aussi  une  mort  maudite,  afin  que  nous  puissions  estre  benis  de  Dieu.  Et  combien  que  nos  iniquitez  nous  espovantent  (combien  aussi  il  ne  se  peut  faire  que  nous  ne  soyons  espovantez  du  iugement  de  Dieu,  oyons  les  choses  qui  sont  yci  contenues,  c'est  ascavoir  que  nous  sommes  abominables  quand  nous  offensons  ainsi  nostre  Dieu,  et  que  nostre  conscience  nous  remord)  que  toutesfois  nous  ne  laissions  pas  d'estre  asseurez  qu'il  nous  pardonnera  nos  pechez  et  nous  acceptera  pour  ses  enfants  bien-aimez  :  voire  comme  iustes  et  irreprehensibles,  d'autant  que  nostre  malediction  a  este  abolie  sur  ce  bois,  auquel  nostre  Seigneur  Iesus  Christ  a  este  pendu.  Voyla  donc  ce  que  le  Prophete  a  voulu  encores  adiouster  pour  plus  grande  expression.  Or  il  met  quant  et  quant,  qu'il  a  este  afflige,  d'autant  que  la  correction  ou  le  chastiment  de  nostre  paix  a  este  sur  luy.  Il  n'adiouste  rien  de  nouveau,  mais  il  se  declare  plus  priveement,  pour  monstrer  comment  cela  doit  estre  entendu:  c'est  que  nostre  Seigneur  Iesus  a  este  batu  et  frappe  de  la  main  de  Dieu,  afin  que  nous  fussions  deschargez.  Il  a  donc  porte  la  correction  qui  nous  estoit  deue;  voire  une  correction  de  paix.  Ii  est  vray  qu'aucuns  entendent  qu'il  a  falu  que  nostre  Seigneur  Iesus  Christ  fust  ainsi  puni  en  nostre  nom,  pource  que  nous  estions  estourdis,  et  que  nul  ne  pensoit  a  s'humilier  devant  Dieu,  et  que  nous  estions  aveuglez  en  nos  fautes.  Mais  nous  voyons  le  sens  naturel  du  Prophete  estre  tel,  que  pour  avoir  paix  avec  Dieu,  il  faloit  que  nous  fussions  reconciliez  par  un  autre  moyen.  I'ay  desia  declare  que  Dieu