9:623  623  RESPONSE  624  8.  Luc  recite  que  8.  Paul  en  persecutant  l'Eglise  en  a  contraint  plusieurs  a  se  dedire,  voire  blasphemer  (Act.  26,  ll).  La  legerete  de  ceux-la  devoitelle  rendre  tous  fideles  muets  de  peur  de  tomber  en  pareil  inconvenient?  Il  s'en  faut  beaucoup  que  sainct  Luc  en  parle  a  telle  intention.  Mais  plustost  sainct  Paul,  en  la  personne  duquel  il  fait  un  tel  recit,  se  condamne  le  premier  en  sa  rebellion  et  cruaute:  et  puis  les  autres  en  ce  qu'ils  n'ont  pas  este  si  constans  qu'il  appartenoit.  En  somme,  comme  sainct  Paul  dit,  Que  Dieu  ne  laisse  point  d'estre  veritable,  encore  que  tous  hommes  soyent  incredules  et  menteurs  (Rom.  3,  7),  aussi  quand  cent  mille  defaudroyent  en  la  confession  de  foy,  si  ne  faut-il  point  que  par  tel  scandale  nul  fidele  s'en  destourne  :  mais  c'est  merveille  qu'il  ensevelit  un  nombre  infini  de  Martyrs,  lesquels  ont  constamment  seelle  la  verite  de  leur  sang.  Il  m'accuse  de  ce  que  i'en  ay  induit  a  mourir  une  grande  quantite.  A  savoir  si  Dieu  ne  leur  a  point  assiste  quand  ils  ont  prins  la  mort  en  gre,  voire  quand  il  sont  persevere  iusqu'en  la  fin,  quand  on  leur  offroit  [page  68]  de  leur  donner  leur  vie  sauve,  s'ils  eussent  seulement  voulu  flechir.  Voyla  des  gens  qui  ne  sont  entachez  d'aucuns  erreurs,  mais  seulement  sont  accusez  de  s'estre  retirez  des  abominations  de  la  Papaute  pour  adherer  a  la  pure  doctrine  de  l'Evangile  :  on  les  tente,  on  les  solicite,  on  les  alleche,  on  les  fiate,  on  les  menace  d'autre  coste,  et  tasche-on  de  les  effrayer.  Ils  resistent  a  tout  d'une  vertu  invincible,  et  declarent  qu'ils  ne  veulent  vivre  a  autre  condition  qu'en  glorifient  Dieu.  Ils  meurent  sur  ceste  querele.  Quoy  que  ce  chien  mastin  abbaye,  si  fautil  qu'en  la  fin  il  ait  la  bouche  close.  Et  s'il  ose  encore  nier  que  Dieu  besogne  la  par  la  vertu  de  son  Esprit,  ie  me  contenteray  de  luy  alleguer  ses  propres  mots  :  c'est,  Que  telles  gens,  estans  ravis  par  dessus  le  monde  et  par  dessus  eux-mesmes,  ont  une  bonne  discretion  et  droite  a  preferer  le  froment  a  la  paille,  et  l'or  au  plomb.  Quoy  qu'il  en  soit,  quand  il  m'alleguera  un  povre  miserable  qui  s'est  desespere,  ie  luy  remettray  au  devant  ceste  grande  multitude  de  Martyrs,  voire  ceste  grosse  nuee,  comme  l'Apostre  parle  (Hebr.  12,  1),  pour  luy  crever  les  yeux,  puis  qu'il  ne  veut  point  voir  la  clarte.  Il  y  a  telle  absurdite  et  sotise  en  ce  qu'il  adiouste,  que  i'ay  honte  de  le  rembarrer.  Mais  si  est-il  expedient  que  les  Lecteurs  soyent  advertis  en  bref  tant  de  son  impudence  que  cie  sa  bestise.  Les  bergers,  dit-il,  ayant  ouy  le  messages  de  l'Ange,  que  le  fils  de  Dieu  estoit  ne,  ne  le  divulguent  point  par  ci  par  la,  mais  vont  en  Bethleem  pour  s'enquerir  de  la  verite  du  faict  (Luc.  2,  10.  17).  Ie  luy  confesse  qu'il  faut  croire  de  coeur  devant  que  de  confesser  de  bouche:  mais  quand  il  est  [page  69]  adiouste  qu'ils  raconterent  ce  qu'ils  avoyent  veu:  apprenons