8:623  623  REPUTATIO  ERRORUM  624  exoriente  boni  et  mali  notitia  incipere  in  hominibus  actuale  peccatum,  quod  mortis  iudicio  obnoxios  1)  reddat:  sic  nimiam  ante  annum  decimum  mali  notitiam  vigere  non  ego  tantum  affirmo,  sed  ipsa  quoque  experientia  plus  satis  demonstrat.  Naturali,  inquit,  ratione  non  censentur  Deum  ad  mortem  offendere  qui  ad  talem  hominum  offensam  adhuc  sunt  imbelles.  Dignus  certe  fuit  Servetus,  cui  turmatim  oculos  configerent  imbelles  isti  et  innoxii  pulli,  quos  tam  benigne  excusat.  Sed  quis  illi  tribunal  erexit,  unde,  quod  solius  est  Dei,  iudicium  sibi  arroget?  An  est  ille  unicus  legislator,2)  qui  potest  servare  et  perdere?3)  Quo  iure  papa  ei  Antichristus  erit,  quem  diabolica  superbia  superat?  Verum  scripturae  testimoniis  sese  defendit  Nam  Deus  olim  de  ingrato  populo  poenam  sumens,  nonnisi  viginti  annis  maiores  ingressu  terrae  Chanaan  privavit.  Qualis  est  ista  dialectica,  a  specie  ad  genus  universaliter  ratiocinari?  Ego  vero  contra  excipio:  Quum  in  [pag.  231]  ipsa  terra  Chanaan  sumpta  fuit  de  populi  sceleribus  ultio,  ne  pueros  quidem  fuisse  exemptos.  Et  certe  Ieremias  quum  matribus  comites  fuisse  exprobrat,  ut  ligna  nefandis  sacrificiis  colligerent,  eos  a  crimine  minime  absolvit.  Sed  quia  tam  ridicula  fatuitas  serio  exagitari  non  meretur,  ad  reliqua  transire  satius  est.  Uno  tamen  verbo  monendi  sunt  lectores,  non  stetisse  per  Servetum  quominus  iocando  et  nugando  non  solum  everteret  quidquid  est  religionis  in  mundo,  sed  politicum  quoque  ordinem,  recti  discrimen,  verecundiam  denique  omnem  ex  humanis  mentibus  deleret.  Restat  ultima  propositio  de  animae  mortalitate.  Odiosum  crimen,  ideo  tumultuose  Servetus  obstrepit.  Sed  quid  tandem  affert?  Perfidiam  mihi  obiecerat,  quia4)  dicat  animam  velut  mori,  non  autem  instar  carnis  mortalem  esse.  Ostensa  sunt  eius  verba,  quae  deterius  aliquid  exprimunt,  et  magis  virulentum,  quam  quod  obieceram.  Hoc  scilicet  luctando  profecit,  ut  laqueum  suum  magis  stringeret.  Nunc  ultimum  illi  asylum  est,  quod  mors  insignior  dicatur  spiritualis,  vel  peccati.  Quasi  vero  non  illic  diserte  carni  animam  comparet,  quasi  par  sit  utriusque  conditio.  Huc  etiam  pertinet  quod  paulo  post  subiicit,  totam  immortalitatem  perditam  fuisse  a  primo  homine,o)  quasi  moreretur6)  nunqam  amplius  futurus,  morti  autem  per  Adam  allatae  mederi  Christum,  quum  aerem  novum  in  nobis  spirans,  naturam  suam  nobis  communicat.  Excipit  1)  doublement  coupables  de  mort.  2)  Add.  selon  S.  Iaques.  3)  Add.  Luy  avoit  il  resigne  son  office  et  sa  dignite?  4)  quia  mortalem  esse:  comme  si  ie  luy  eusse  mis  sus  plus  qu'il  n'avoit  dict.  5)  a  primo  homine  et  per  Adam  om.  G.  6)  comme  si  nous  mourions  etc.