6:623  DE  VITANDIS  SUPERSTITIONIBUS.  firmi  sunt.  His,  ut  aegrotis,  non  aliud  dicere  possum,  nisi  ut  imbecillitatem  agnoscant,  et  deplorent,  et  paulatim  vires  confirment,  et  aliqua  subinde  illustriora  testimonia  confessionis  edant  Scio  rem  difficilem  esse,  haec  exordia  confessionis.  Sed  aut  proficiendum  est,  aut  exspectandus  interitus.  Hic  autem  addo  praemonitiones  quatuor.  Prima,  prius  bene  iaciantur  fundamenta,  doctrinam  evangelii  recte  cognoscamus,  ne  falsa  pro  veris  amplectamur,  nec  augeamus  nobis  errores,  et  aliis:  nec  pericula  propter  falsas  opiniones  suscipiamus^  sed  fugiamus  Anabaptistarum  [pag.  102]  furores  qui  multos  errores  circumferunt  Negant  peccatum  originis,  improbant  baptismum  infantum,  corrumpunt  doctrinam  de  iustitia  fidei,  damnant  politias,  magistratus,  iudicia,  distinctionem  dominiorum,  vera  iuramenta:  denique  multi  multis  malis,  et  perniciosis  opinionibus  dementari  se  sinunt  Ideo  simus  prudentes-,  et  circumspecti,  et  vero  iudicio  doctrinae  genus  eligamus,  et  amplexi  veras  sententias,  non  abiiciamus.  Secunda  praemonitio:  Non  blandiamur  ipsi  nobis,  nec  praetexatur  infirmitas  simulationi.  Multi  in  aulis  vocant  se  Nicodemos,  et  infirmos,  quum  sint  praevaricatores,  et  similes  Alcimi,  cuius  fit  mentio  in  historia  Machabaeorum:  confirmant  saevitiam  potentum  sua  dissimulatione.  Multi  etiam  sophisticas  mitigationes  quaerunt,  ut  excusent  cultus  idolorum.  Etiam  si  sacrificia  in  missis  non  valent  pro  mortuis,  inquiunt,  valent  tamen  preces.  M  possent  exempla  multa  sophisticarum  illarum  excusationum  recenseri:  sed  ita  ludere  praestigiis  sophismatum,  est  tentare  Deum,  et  impie  abuti  nomine  De  L  Tertia  praemonitio  :  Priusquam  periculo  supplicii  se  homo  exponat,  cogitet  de  patientia  seu  constantia.  Multi  θρασύδουλοι  initio  audacter  [pag.  103]  inchoant  mutationes,  et  postea  quum  pericula  sunt  propiora,  fracti  animis  abiiciunt  doctrinam:  ac  multi  deinde  fiunt  prorsus  Epicurei.  Quando  igitur  homo  tantum  roboris  habeat,  ut  possit  confessionis  periculum  sibi  accersere,  non  potest  regulis  describi:  sed  eventus  ipse  ostendet,  an  spiritus  sanctus  confirmaverit  animum.  Nostrum  est  tamen  recte  docere,  non  blandiri  infirmitati.  Et  quanquam  aliquantisper  tempori  venia  danda  est,  praesertim  in  νεοφύτοις  in  magnis  causis,  in  metu  publicae  discordiae:  tamen  non  sit  dissimulatio  perpetua.  Primum  decalogi  praeceptum:  Non  habebis  deos  alienos,  omnibus  rebus  aliis  anteferendum  est  Quarta  praemonitio:  Fugienti  in  exsilium  cogitandum  est  etiam,  quid  sit  ecclesia,  et  cui  coetui  velit