5:623  ACTES  DE  RATISBONNE.  '  ment  l'office  d'Evesque,  [fol.  133]  Oar  il  est  necessaire  qu'en  l'Eglise  soyent  aucuns  suffisans  gouverneurs  et  de  doctrine  et  d'ordination.  Il  est  aussi  necessaire  que  les  iugemens  de  doctrine,  des  causes  et  separations  de  mariages  soyent  exercez.  Pareillement  il  est  de  necessite  que  l'excommunication  commandee  en  l'Evangile  soit  remise  en  son  entier.  Celuy  qui  a  le  tiltre  d'Evesque  maintienne  son  vicaire,  ou  cestuy  ordre  des  iuges.  Or  si  ies  chappitres  des  chanoynes  avoyent  gens  scavans,  craignans  Dieu  et  exercitez:  ce  seroit  le  plus  facile  dc  recueillir  telz  iuges  d'iceux  chappitres.  Mais  aussi  il  fault  adiouster  d'entre  les  laiz,  quelques  gens  d'honneur,  graves  et  scavans.  Et  qu'en  chascun  diocese,  selon  qu'il  sera  grand,  plusieurs  assemblees  de  iuges  soyent  establies,  qu'une  toutesfoys  soit  souveraine,  laquelle,  comme  nous  avons  ia  dict,  soit  comme  tenant  le  lieu  de  l'Evesque.  Or  a  celle  fin  que  les  assemblees  des  iuges  ayent  honnestes  gages,  certaines  prebendes  ou  revenuz  des  monasteres  leur  doivent  estre  assignez  et  appliquez  a  cest  usage,  car  combien  est  grande  la  multitude  de  gens  oyseux  et  nonchalans,  qui  sont  maintenant  aux  chappitres  et  riches  monasteres?  C'est  une  chose  toute  claire,  que  pour  une  petite  somme  d'argent  on  peult  accorder  avec  les  officiaux  de  la  peine  de  paillardise  ou  d'adultere.  Ceste  doulceur  augmente  la  liberte  de  peche.  Parquoy,  il  fault  remettre  en  son  entier  la  severite  des  iugemens  et  peines.  Et  premierement,  touchant  tous  crimes,  cecy  doit  estre  garde.  Que  le  Magistrat  civil  ayt  son  droict  et  authorite  tout  ainsi  comme,  selon  son  office,  il  s'enquiert  et(  punit  les  forfaictz  deslaiz,  et  fauldra  enseigner  le  Magistrat  qu'il  ne  soit  negligent  a  faire  son  office.  Aussi  par  les  peines  de  ses  loix  il  doit  punir  les  prestres  -surprins  en  crimes  manifestes,  comme  de  paillardise,  adultere,  larrecin,  meurtre  et  aultres  semblables.  Car  par  authorite  divine  la  conservation  et  deffension  de  [fol.  134]  la  discipline  exterieure  a  este  commise  et  donnee  a  ce  degre  de  Magistrat,  ainsi  que  l'Apostre  nous  enseigne  au  tresiesme  chapitre  des  Rom.  quand  il  dict,  que  le  Magistrat  honnore  les  bonnes  oeuvres  et  qu'au  contraire  les  malings  le  doivent  avoir  en  crainte.  Et  de  la  est  procedee  une  corruption  de  meurs,  qui  n'est  pas  petite,  pour  ce  que  la  court  ecclesiastique  a  empesche  que  le  Magistrat  civil  ne  s'informast  ou  punist  les  adulteres.  Donc,  que  le  Magistrat  soit  veillant  et  prompt,  scachant  que  par  authorite  divine  il  a  este  estably  en  ce  degre  pour  estre  conservateur  de  la  discipline.  Toutesfoys  cependant  que  les  iuges  ecclesiastiques  exercent  leur  office.  Et  pource  qu'en  plusieurs