49:623  623  SERMONS  624  soyent  ensevelis  pour  ne  point  venir  en  conte:  car  combien  que  Dieu  ne  face  pas  les  punitions  si  promptement,  ce  n'est  pas  a  dire  qu'il  les  oublie,  mais  au  contraire  si  nous  ne  nous  amendons,  le  terme  nous  sera  bien  cher  vendu,  quand  nous  ne  cognoistrons  pas  que  Dieu  auiourd'huy  ne  punit  point  d'une  facon  tant  visible  ceux  qui  Pont  offense,  d'autant  qu'il  nous  favorise:  car  ii  faudra  venir  a  conte  au  dernier  iour,  et  nous  trouver  devant  le  siege  iudicial  de  nostre  Seigneur  Iesus  Christ.  Et  pour  que  cela  nous  est  presche  et  soir  et  matin,  Dieu  nous  espargne  pour  un  temps:  mais  comme  i'ay  dit,  si  nous  sommes  sourds  et  nonchalans,  que  nous  soyons  endurcis  tellement  que  Dieu  ne  gaigne  rien  envers  nous,  il  est  certain  que  la  punition  sera  beaucoup  plus  horrible:  et  vaudroit  mieux  qu'il  nous  exterminast  de  ce  monde,  et  que  nous  fussions  abysmez  du  premier  coup,  voire  que  nous  fussions  avortez  au  ventre  de  nostre  mere,  que  d'avoir  ainsi  vescu  tousiours  amassant  un  thresor  d'ire  sur  nos  testes.  Quoy  qu'il  en  soit,  que  nous  ayons  en  detestation  ce  blaspheme  dont  i'ay  parle,  que  Dieu  ne  punit  pas  si  griefvement  les  pechez,  pour  ce  que  nous  sommes  sous  la  Loy  de  grace:  car  il  faut  scavoir  qu'auiourd'huy  la  rigueur  de  Dieu  n'est  pas  moindre  envers  les  pechez  qu'elle  a  este  sous  la  Loy.  Vray  est  que  nous  ne  l'apercevrons  point:  et  i'ay  monstre  la  raison.  Mais  ce  n'est  pas  qu'il  nous  sale  flater  sous  ceste  ombre  la.  Car  comme  desia  nous  avons  monstre,  selon  que  la  doctrine  nous  est  auiourd'huy  plus  familiere,  il  faudra  que  nous  soyons  punis  tant  plus  asprement,  quand  nous  n'en  sommes  point  edifiez:  mais  que  Dieu  aura  este  par  nous  ainsi  mesprise,  et  d'une  telle  impiete  et  rebellion.  Et  mesmes  nous  voyons  ce  que  sainct  Paul  en  dit  ici,  comme  il  en  sera  encores  parle  derechef  en  la  conclusion  finale  plus  amplement.  Mais  il  a  este  besoin  d'en  toucher  ici  en  passant,  pour  resoudre  en  somme  que  l'histoire  qui  est  ici  recitee  nous  doit  servir  de  miroir,  afin  que  la  nous  cognoissions  que  la  paillardise  est  un  peche  detestable  a  Dieu,  et  que  ceux  qui  s'y  polluent  n'eschapperont  point  sa  main,  quoy  qu'il  tarde.  Et  de  faict,  quand  il  aura  bien  dissimule  envers  eux,  s'ils  cuident  eschapper  par  ce  moyen  la,  ils  s'abusent  par  trop  lourdement.  Or  quand  nous  n'aurions  sinon  la  doctrine  commune  de  l'Escriture  saincte,  cela  nous  doit  bien  suffire  :  car  quand  il  est  dit  que  Dieu  a  beni  le  mariage,  nous  pouvons  recueillir  de  la  que  toute  compagnie  d'homme  et  de  femme  hors  le  mariage  est  maudite.  Et  la  malediction  de  Dieu  qu'emporte-elle  sinon  ce  que  dit  l'Apostre  aux  Hebrieux?  Le  mariage  (dit-il)  est  sainct  et  honorable  en  tous  estats  :  voire  en  toutes  personnes:  mais  il  faudra  que  Dieu  iuge  les  paillars  et  les  adulteres.  Et  de  faict  les  raisons  y  sont