35:623  623  S  E  R  M  O  N  S  624  regarde  quels  nous  sommes:  mais  quand  Iesus  Christ  est  entre  deux,  et  se  propose  la  en  nostre  nom,  voyla  comme  nous  sommes  agreables  a  Dieu,  d'autant  que  la  satisfaction  de  toutes  nos  iniquitez  est  accomplie.  Il  ne  faut  point  que  la  condamnation  que  nostre  Seigneur  Iesus  Christ  a  soufferte,  soit  vaine.  Or  est-il  ainsi  qu'il  n'avoit  commis  nulle  faute,  et  qu'il  n'estoit  coulpable  en  rien.  Ainsi  il  a  este  condamne  pour  nostre  absolution:  et  voyla  pourquoy  il  est  appele  l'Agneau  sans  macule.  Il  est  appele  Agneau,  d'autant  qu'il  a  este  offert  en  sacrifice:  il  a  este  sans  macule,  pour  monstrer  qu'il  a  porte  toutes  nos  charges.  Et  c1est  aussi  pourquoy  il  est  dit  que  son  sang  est  nostre  lavement:  car  nous  sommes  souillez  et  pleins  d'abomination,  iusques  a  ce  que  le  sang  de  nostre  Seigneur  Iesus  Christ  nous  nettoye.  Ce  n'est  point  donc  sans  cause  que  le  Prophete  nous  ramene  au  iugement  de  Dieu,  disant  que  Iesus  Christ  a  este  afflige  a  cause  qu'il  faloit  qu'il  portast  nostre  condamnation.  Brief,  toutesfois  et  quantes  que  nous  pensons  de  quoy  la  mort  et  passion  de  nostre  Seigneur  Iesus  Christ  nous  a  profite,  qu'un  chacun  de  nous  s'adiourne  devant  le  siege  iudicial  de  Dieu:  la  nous  trouverons  que  nous  sommes  tous  criminels  :  Or  quelle  est  la  rigueur  du  iugement  de  Dieu?  Combien  sa  vengeance  est  elle  horrible?  c'est  pour  nous  engloutir  et  abysmer  tout.  Mais  d'autant  que  nostre  Seigneur  Iesus  Christ  n'a  este  epargne,  mais  que  Dieu  a  exerce  la  rigueur  de  son  iugement  sur  luy,  qu'il  a  este  la  en  nostre  nom  comme  plege  pour  nous,  nous  pouvons  estre  asseurez  que  maintenant  Dieu  ne  nous  poursuyvra  plus,  et  n'entrera  point  en  conte  avec  nous,  qu'il  ne  nous  punira  point  selon  nos  demerites  et  offenses.  Et  pourquoy?  D'autant  que  nostre  Seigneur  Iesus  nous  en  a  acquittez.  Or  il  est  vray  que  iamais  Dieu  n'a  eu  autre  affection  envers  son  Fils  unique  que  celle  qu'il  avoit  prononcee,  Voyci  mon  Fils  bien-aime  auquel  ie  me  repose,  et  qu'on  l'escoute.  Dieu  donc  avoit  proteste  auparavant  que  Iesus  Christ  le  contentoit  du  tout,  et  qu'il  y  prenoit  son  bon  plaisir.  Et  de  faict  (comme  sainct  Paul  le  monstre  au  permier  chapitre  des  Ephesiens)  nous  ne  pourrions  pas  estre  agreables  a  Dieu  au  nom  de  son  Fils  unique,  n'estoit  qu'en  premier  lieu  et  en  degre  souverain  il  fust  le  bien  aime.  Toutesfois  cela  n'a  pas  empesche  que  nous  n'ayons  este  acquittez,  d'autant  que  Dieu  a  desploye  sa  rigueur  sur  nostre  Seigneur  Iesus  Christ:  car  il  l'a  aime,  et  cependant  si  Fa-il  voulu  affliger  pour  nos  fautes.  Car  il  n'a  pas  regarde  sa  iustice,  son  integrite,  et  la  perfection  qui  estoit  en  luy:  mais  plustost  Iesus  Christ  a  este  prins  comme  estant  la  en  la  personne  de  tous  pecheurs.  Voyla  donc  Iesus  Christ  qui  estoit  charge  de  toutes  nos  fautes  et  iniquitez:  non  pas  qu'il  en  fust  coulpable,  mais  il