25:623  623  SERMON  II.  624  lement  on  les  a  empeschez  de  venir  aux  puits  qui  estoyent  desia  cavez,  mais  quand  par  leur  industrie  et  labeur  ils  ont  cave  des  puits,  encores  les  a-on  privez  de  l'eau.  Ou  est  donc  ceste  promesse  de  Dieu  qu'il  avoit  faite  a  Abraham,  de  luy  donner  1a  terre?  Or  par  cela  nous  sommes  advertis  de  ce  que  dit  l'Apostre  en  l'Epistre  aux  Hebrieux,  c'est  a  scavoir,  que  les  Peres  anciens  n'ont  point  eu  leur  but  a  ceste  terre  visible:  mais  que  ce  leur  a  este  un  ombrage  de  la  demeure  permanente  a  laquelle  Dieu  les  appelloit.  Tellement  qu'Abraham,  combien  qu'il  n'eust  nulle  possession  en  la  terre  de  Chanaan,  n'a  pas  laisse  d'en  estre  seigneur  et  maistre,  et  s'est  contente  que  Dieu  luy  monstrast  devant  ses  yeux  ceste  terre-la,  afin  qu'il  eust  son  coeur  esleve  au  ciel,  et  qu'il  attendist  d'avoir  la  sa  demeure  permanente.  Ainsi  en  somme  la  seigneurie  qu'a  eu  Abraham  de  ceste  terre  visible,  a  este  spirituelle:  car  il  a  possede  ce  que  Dieu  luy  avoit  promis,  combien  que  selon  les  hommes  il  n'en  eust  rien,  et  qu'il  semblast  mesmes  qu'il  en  deust  estre  dechasse  chacun  iour.  Or  maintenant  si  nous  faisons  comparaison  d'Abraham  avec  nous,  n'avonsnous  point  plus  grande  occasion  d'eslever  nos  coeurs  au  royaume  des  cieux,  veu  que  nous  n'en  avons  point  seulement  un  miroir  ou  une  image  que  Dieu  nous  presente,  mais  Iesus  Christ  en  sa  personne  en  a  fait  une  telle  ouverture,  que  nostre  foy  peut  bien  parvenir  iusques  a  la  gloire  de  Dieu?  Nous  devons  donc  mieux  estre  confermez  en  la  promesse  que  Dieu  nous  donne,  de  nous  eslever  en  son  royaume  pour  y  entrer  comme  ses  heritiers  legitimes  :  et  combien  que  nous  soyons  ici  bas  comme  rampans  sur  terre,  que  nous  ayons  nostre  corps  comme  une  loge  corruptible  et  caduque,  que  nous  soyons  appesantis  en  ces  choses  basses:  toutesfois  si  fautil  bien  que  nostre  vray  domicile  soit  la  haut,  et  que  desia  nous  soyons  citoyens  des  cieux  pour  estre  compagnons  des  Anges:  et  ce  que  nous  n'avons  point  encores  de  faict,  que  nous  l'ayons  en  foy  et  en  esperance,  comme  Tont  eu  les  saincts  Peres,  qui  toutesfois  n'avoyent  point  une  telle  revelation,  ne  si  claire  comme  nous  a  beaucoup  pres.  Voila  comme  Dieu  a  promis  de  donner  la  terre  a  Araham,  et  a  Isaac,  et  a  Iacob,  et  ne  les  a  point  frustrez,  encore  qu'ils  n'en  ayent  point  iouy  :  mais  ils  ont  attendu  en  patience  que  le  temps  opportun  fust  venu,  que  Dieu  mist  en  possession  leurs  successeurs  apres  leur  trespas.  Puis  qu'ainsi  est,  cheminons  par  la  terre  estans  exercez  parmi  beaucoup  de  combats,  en  regardant  seulement  les  choses  qui  nous  sont  promises,  ne  doutant  point  que  desia  mesmes  ce  bien  ne  nous  soit  asseure,  encores  que  nous  ne  le  tenions  pas  a  la  main,  que  nous  ne  le  voyions  point  a  l'oeil.  Et  pourquoy?  car  Dieu  ne  peut  faillir  en  ses  promesses.  Or  maintenant