8:622  hominum  turba,  quae  morte  exstinguitur  intra  illud  decennium:  [pag.  229]  quia  remedium,  quod  eorum  malo  necessarium  esse  docet  Servetus,  crudeliter  idem  eripit.  Et  adhuc  erit  quispiam  tam  stupidus,  qui  de  vita  futura  eum  cogitasse  credat,  qui  humanae  salutis  tam  fuerit  prodigus?  Quanquam  certiore  documento  baptismum  sibi  ostendit  ludibrio  esse,  cuius  recipiendi  nunquam  ab  eo  quaesita  est  ratio.  Quid  hoc  portenti  est,  quum  ad  annum  quadragesimum  septimum  1)  vixerit,  negligere  tamdiu,  vel  saltem  omittere  quod  iactabat  necessarium  esse  salutis  aeternae  pignus?  Verum  mihi  abunde  sufficit,  relicto  homine,  ostendere  quam  crassa  sit  ac  minime  tolerabilis  doctrinae  impietas.  Huic  autem  errori,  quem  pro  instituta  brevitate  satis  refutasse  mihi  videor,  annexum  est  alterum  illud  commentum,  a  peccati  mortalis  reatu  immunes  esse  homines,  donec  annum  vicesimum  excesserint.  Quid?  quum  foedae  libidines  ante  aetatem  illam  maxime  ferveant,  quum  ad  rixas  et  caedes  usque  saepe  prosiliant  octodecim  annorum  adulescentes,  quum  furtis,  periuriis,  variisque  nequitiis  se  illigent,  quum  ad  ebrietatem,  et  omne  luxuriae  genus  se  proiiciant,  quum  tunc  denique  maxime  grassetur  Dei  contemptus,  nullum  mortale  peccatum  Servetus  illic  reperit?  Haec  eadem  illi  ratio  est  cur  neminem  nisi  post  annum  vicesimum  catechismo  initiari  velit.  Quasi  inferior  aetas  vel  pietatis  gustum  non  capiat,  vel,  quia  expers  est  omnis  malitiae,  disciplina  opus  non  habeat.  Utrumque  arripit  Servetus.  Nam  pagina  363,  Mosis  testimonium  ex  1.  Deuteronomii  cap.  citans  negat  scientiam  boni  et  mali  ante  annum  vicesimum  contingere.  Quasi  Moses  parvulos  nominans,  quos  patres  conquesti  fuerant  praedam  hostium  fore,  omnes  comprehendat  [pag.  230]  qui  nondum  ad  annos  viginti  pertigerant:  ac  non  potius  vel  infantes  adhuc  a  matrum  uberibus  pendentes  designet,  vel  saltem  puerulos  nihil  adhuc  praeter  lusus  et  ineptias  cogitantes.2)  A  malitia  vero  vel  mali  scientia  puros  dicere,3)  qui  fallendi  fraudandique  mille  artibus  pollent,  cuius,  obsecro,  est  stuporis?  Alibi  autem  proficiendi4)  defectum  obtendit,  pag.  372,  quia  in  adolescentia  prima  virentis  carnis  procellis  submersus  sit  ille  divinitatis  spiritus,  et  occultus  ignis  ob  multum  humorem  se  exserere  nequeat.  Quam  vana  igitur  erit  Solomonis  exhortatio:  Memento  creatoris  tui  tempore  iuventutis  tuae,  antequam  veniant  anni  de  quibus  dicas:  Non  mihi  placent.  Caeterum,  ut  Serveto  concedo  nonnisi  1)  pres  de  cinquante  ans.  2)  ou  bien  qui  n'eussent  encores  seu  discerner  entre  la  vie  et  la  mort.  3)  Ste  princeps.  Caeteri:  pueros.  Gallus  habet:  Mais  de  vouloir  exempter  de  science  de  bien  et  de  mal  ete.  4)  l'esprit  leur  deffaut.