7:622  seria  actio  est.  Promissio  additur,  quae  aliter  stare  nequeat,  nisi  panem  vere  edamus.  Retinenda  est  enim  semper  illa,  quam  notavi,  similitudo.  Sicuti  pane  et  vino  alitur  corpus,  ita  cibum  animae  esse  Christi  carnem,  et  sanguinem  eius,  potum.  Nos  itaque  Christi  mandato  obtemperantes,  promissionem  quoque  simul  amplectimur,  non  dubitantes  quin  arcana  spiritus  sui  virtute  intus  efficiat  in  nobis,  quod  panis  oculis  significat.  Boni  isti  viri,  qui  pacificatorum  personas  induunt,  fictitiam  μεταμόρφωσιν,  1)  cuius  nusquam  in  scripturis  fit  mentio,  tanto  supercilio  asserunt,  ac  si  centum  oracula  ad  eam  comprobandam  coelitus  allata  essent.  Negamus  fas  nobis  esse,  discedere  a  certis  Christi  verbis.  Quid  est  causae,  cur  in  hanc,  quam  Christo  deferimus,  reverentiam,  adeo  atrociter  saeviant,  ut  hoc  solo  crimine  nos  habeant  pro  haereticis?  Nam  simplici  et  usitata  damnatione  non  contenti,  ^calumniantur  vocari  a  nobis  in  dubium  Christi  omnipotentiam,  ipsumque  insimulari  vanitatis  :  quasi  vero  hic  de  Christi  potentia  disputetur,  ac  non  potius  ex  eius  verbo  quaerenda  sit  mysterii  veritas.  Rerum  omnium  conversionem  fieri  posse  a  Christo,  nos  quoque  fatemur.  Verum,  si  quis  inde  coelum  colligat  conversum  esse  in  terram,  ridiculus  erit  virtutis  divinae  [pag.  123]  aestimator,  qui  naturae  ordinem  ab  illo  fixum  et  constitutum,  monstra  sibi  fingendo,  revellat.  Ita  in  hac  quaestione,  quaerendo  quidnam  possit  Christus,  frustra  se  fatigant,  quum  haec  una  cognitio  sensus  omnes  nostros  in  se  continere  debeat,  quidnam  velit.  Voluntas  autem  eius  non  alibi  quam  in  verbo  quaerenda.  Nunc  syllabam  unam  proferant,  quae  testis  sit  huius  quam  iactant  conversionis.  Atqui  nulla  usquam  reperietur,  Nimis  ergo  futilis  est  calumnia,  quod  nos  cum  Christi  potentia  in  certamen,  quod  nullum  est,  committunt.  Vanitatis  porro  Christum  a  nobis  argui  quam  improbe  mentiuntur?  Pronunciat  Christus  se  corpus  et  sanguinem  suum  dare,  panem  ac  vinum  porrigendo:  hoc  totum  recipimus,  nec  vero  dubitamus,  quin  sua  constet  promissioni  fides,  quae  certe  constare  nequit,  quin  res  exhibeatur  ipsa.  Sed  hoc  est  scilicet,  nihili  prae  suis  portentis  aestimant  quidquid  et  ore  Christi  proditum  est,  et  solidam  mysterii  vim  explicat,  et  totum,  in  quo  acquiescit  fides,  spiritualis  gratiae  effectum  continet.  Hic  ut  plurimas  absurditates  non  enumerem,  vel  magis  errorum  prodigia,  quae  ista  transsubstantiatio  peperit:  quis  omnino  pius,  et  rite  eruditus  in  Christi  schola,  non  eam  vel  hoc  nomine  detestetur?  Quod  quum  proprium  hoc  habeat  coena  Christi,  ut  in  coelum  nos  attollat:  simul  ac  animis  nostris  insederit  haec  persuasio,  conversum  esse  in  corpus  Christi  panem,  deorsum  mentes  in  terram  flectit,  quae  in  coelum  1)  Gallus:  transsubstantiation.