5:622  Car  nul  ayant  en  soy  mauvaise  conscience  ne  peult  invoquer  Dieu.  A  celle  fin  doncques,  que  Dieu  soit  honnore,  et  qu'on  ayt  esgard  au  salut  de  aultruy,  les  gouverneurs  se  doyvent  bien  donner  garde  que  les  consciences,  qui  ont  reverence  a  Dieu,  ne  soyent  blessees.  Il  est  aussi  tout  evident,  que  ceste  ceremonie  a  este  instituee  pour  confirmer  la  foy  es  pensees  craintifves  et  paoureuses,  leur  donnant  consolation:  aussi  a  celle  fin,  qu'en  icelles  on  rendist  graces  a  Dieu.  Mais  comment  pourra  la  conscience  navree  et  blessee  prendre  consolation,  ou  rendre  graces?  C'estoit  l'office  et  devoir  des  gouverneurs  de  l'Eglise  de  visiter  et  guarir  ces  playes  secrettes.  Doncques,  que  [fol.  132J  Pabuz  soit  aboly:  c'esta  scavoir,  la  prohibition  du  calice.  'C'est  un  tresgrand  abuz,  qui  est  commis  par  tout,  en  ce,  que  les  iugementz  ecclesiasticques  ne  sont  exercez,  ny  de  la  doctrine,  ny  des  meurs  des  Prestres,  ou  du  peuple.  Premierement  quand  est  ce,  que  les  Papes  ont  assemble  Conciles,  pour  consulter  vrayement  et  droictement  touchant  la  doctrine?  Mais  maintenant  nous  parlons  des  Eglises  particulieres.  Les  Evesques  ont  leurs  officiaux,  comme  ilz  appellent,  ^auxquelz  on  a  donne  la  charge  et  commission  des  causes,  qui  concernent  les  contractz  de  mariages  et  aultres  certaines  inquisitions.  Iceux  n'entendent  point  leur  office,  ny  ne  le  font.  Mais  ilz  ont  quelque  maniere  d'attrapper  argent,  ce  qui  seroit  trop  long  a  racompter.  Nous  ne  pourrions  sans  grande  tristesse  racompter  les  calamitez  de  l'Eglise.  Nous  avons  en  Allemaigne  force  tiltres  d'Evesques,  mais  nous  n'en  avons  point  qui  face  son  devoir.  Car  puis  que  quatre  sont  les  principaux  offices  de  l'Evesque,  enseigner  et  conduire  la  doctrine,  ordonner  et  examiner  ceux  qu'on  ordonne,  maintenir  les  iugemens  ecclesiasticques,  visiter  les  Eglises:  a  grand  peine  noz  Evesques  d'Allemaigne  ont  retenu  l'umbre  et  ceremonie  d'une  seule  partie:  comme  l'ordination  sans  aucune  espreuve.  Toutesfoys  cependant  ilz  ont  les  grandes  seigneuries:  lesquelles  gouvernans,  ilz  font  l'office  de  Ducz,  non  d'Evesques.  Or  s'ilz  les  veullent  retenir,  nous  n'y  mettons  point  d'empeschement,  a  tout  le  moins,  qu'ilz  pourveoyvent  de  certains  personnages  qui  gouvernent  l'Eglise  droictement:  et  comme  il  a  este  dict  par  cy  dessus,  il  fault  qu'en  une  chascune  Eglise  certains  soyent  desputez,  qui  seront  sur  l'ordination  et  espreuve  de  ceux  qui  seront  ordonnez:  en  telle  sorte  que  euxmesmes  ou  aultreb  soyent  deputez  pour  les  iugemens  ecclesiastiques,  et  qu'ilz  visitent  les  Eglises.  Donc  qu'il  y  ayt  quelqu'un  ordonne  en  certain  lieu,  ou  ceste  assemblee  de  iuges,  qui  exerce  vraye-