49:622  voulust  ici  retenir,  comme  il  a  este  monstre  par  cidevant  :  mais  il  faloit  qu'ils  fussent  ainsi  gouvernez  comme  petis  enfans,  a  cause  de  l'infirmite  de  l'aage.  Or  si  le  tesmoignage  du  salut  eternel  n'a  pas  este  si  evident  alors,  comme  nous  l'avons,  mais  estoit  enveloppe  d'ombres  et  figures  terrienes,  aussi  a  l'opposite  notons  que  quand  Dieu  leur  a  declare  ses  vengences  a  veue  d'oeil,  il  en  estoit  besoin:  car  qu'estoit-ce  quand  le  peuple  n'avoit  pas  la  doctrine  si  facile,  comme  elle  nous  est  auiourd'huy  donnee  ?  Certes  il  estoit  besoin  qu'il  leur  donnast  a  entendre  les  choses  par  tesmoignages  plus  apparens  aux  sens  corporels.  Et  ceste  diversite  procede  de  ce  que  Dieu  a  reserve  la  perfection  de  toute  doctrine  a  la  venue  de  son  Fils  unique.  Voyla  les  Peres  anciens  qui  ont  eu  les  ombres  obscures,  mais  quand  nostre  Seigneur  Iesus  Christ  est  apparu,  alors  les  cieux  nous  ont  este  ouvers:  nous  cognoissons  que  nostre  heritage  est  la  haut  avec  luy,  et  le  voile  est  maintenant  rompu,  tellement  que  nous  invoquons  Dieu  en  pleine  hardiesse.  Nous  avons  aussi  les  tesmoignages,  que  si  en  ce  monde  il  nous  faut  endurer  beaucoup  de  miseres,  pouretez  et  fascheries,  beaucoup  d'iniures  et  opprobres,  estre  en  troubles  et  en  grandes  perplexitez,  nous  ne  serons  point  frustrez  de  nostre  attente:  car  Dieu  nous  reserve  une  vie  meilleure,  veu  qu'ici  il  nous  faut  combatre,  et  cercher  nostre  repos  au  ciel.  Il  est  vray  que  nous  avons  bien  les  promesses  (comme  dit  sainct  Paul)  que  Dieu  nous  guidera  par  ce  monde,  et  iamais  nous  ne  serons  destituez  de  sa  grace:  mais  cependant,  si  faut-il  que  nous  soyons  exercez  parmi  beaucoup  de  miseres,  et  que  ce  qu'il  traitte  au  huitieme  chapitre  des  Romains,  soit  accompli  en  nous,  que  nous  soyons  configurez  a  l'image  de  nostre  Seigneur  Iesus  Christ.  Et  nous  scavons  ce  qui  est  dit  au  dernier  chapitre  de  S.  Luc,  qu'il  a  falu  qu'il  souffrist,  et  qu'il  entrast  au  Royaume  celeste  par  beaucoup  d'afflictions.  Or  cela  a  este  accompli  en  sa  personne:  mais  il  faut  qu'il  y  ait  conformite  entre  le  chef  et  les  membres.  Et  ainsi  (comme  desia  nous  avons  monstre)  les  promesses  de  Dieu  ne  s'accompliront  point  auiourd'huy  a  veue  d'oeil  envers  nous,  tellement  que  nous  soyons  a  nostre  aise,  en  prosperite,  et  en  repos  comme  les  Iuifs  qui  ont  este  supportez,  car  il  faloit  que  Dieu,  selon  la  dispensation  qu'il  vouloit  tenir  pour  lors,  leur  ottroyast  cela,  a  cause  de  leur  rudesse,  quand  Iesus  Christ  n'estoit  point  encore  apparu.  Aussi  a  l'opposite,  il  ne  se  fera  point  des  punitions  auiourd'huy,  qu'on  cognoisse  et  qui  soyent  toutes  patentes  et  notoires,  comme  elles  ont  este  sous  la  Loy.  Mais  ce  n'est  pas  a  dire  pourtant,  qu'auiourd'huy  Dieu  souffre  d'estre  mocque,  et  que  nous  en  ayons  meilleur  marche  que  les  Peres,  et  que  nos  pechez  42*