48:622  nous  n'avons  pas  seulement  la  cognoissance  que  Dieu  nous  a  donnee,  comme  estans  hommes  mortels,  mais  nous  avons  l'esprit  qu'il  nous  a  donne  pour  desirer  son  advenement.  Et  pourtant  c'est  un  vray  signe  d'infidelite  quand  nous  ne  desirons  point  ce  iour:  et  si  nous  ne  dressons  les  testes  toutesfois  et  quantes  que  ce  mot  nous  est  prononce,  nous  monstrons  assez  que  nous  n'avons  nulle  foy  a  Iesus  Christ.  Au  reste,  tout  ainsi  que  les  fideles  recoyvent  consolation  de  ceste  sentence,  aussi  faut-il  que  les  meschans  sentent  une  crainte  la  dedans  de  ceste  venue.  Et  combien  qu'ils  ne  facent  que  s'en  mocquer,  si  est-ce  qu'ils  ont  une  peur  qui  les  saisit  au  coeur,  et  c'est  que  nostre  Seigneur  les  adiourne  a  son  iugement.  Et  ce  n'est  pas  sans  cause  que  plusieurs  n'apprehendent  Iesus  Christ  que  comme  leur  Iuge  :  car  ils  n'ont  pas  voulu  le  recevoir  quand  Dieu  le  leur  a  voulu  donner  pour  Redempteur.  Vray  est  que  beaucoup  n'en  font  que  rire  maintenant:  si  faudra-il  qu'ils  sentent  celuy  qu'ils  ont  poingt.  Comme  aucuns  y  en  a  lesquels,  si  auiourd'huy  on  leur  parle  du  Iugement,  respondront,  Et  bien,  bien  :  on  le  verra,  mais  qu'il  soit  venu.  Comme  mes  mocqueurs,  qui  mercredi  dernier  se  mocquoyent  yci,  lesquels  ne  sont  pas  contens  de  ne  valoir  rien  et  de  despiter  Dieu  es  tavernes,  mais  viendront  faire  yci  les  monstres  de  leur  impiete  et  de  leur  impudence:  et  pour  monstrer  qu'ils  sont  effrontez  comme  putains  de  bordeau,  se  vienent  mocquer  de  Dieu  et  de  sa  Parolle  iusques  dedans  son  Temple  et  en  la  presence  de  ses  fideles.  Or  s'en  mocquentils  maintenant?  ils  sentiront,  di-ie,  celuy  qu'ils  ont  poingt.  Car  il  viendra,  il  viendra:  et  n'est  point  monte  au  ciel  pour  endurer  que  les  meschans  se  mocquent  de  luy  sans  qu'il  en  face  la  vengence:  mais  il  ha  son  registre  pour  noter  toutes  leurs  mocquerie8.  Et  puis  qu'ils  ne  veulent  venir  a,  conte  volontairement,  il  faudra  qu'ils  vienent  recevoir  leur  iugement  avec  les  diables  leurs  freres  et  leurs  peres.  Or  puis  que  ceste  doctrine  nous  est  donnee  pour  nostre  instruction,  apprenons  de  nous  humilier  de  bonne  heure,  et  faire  hommage  a  Iesus  Christ  :  puis  qu'il  est  le  Prince  des  Anges  et  qu'ils  luy  obeissent,  que  nous  soyons  en  cela  leurs  compagnons.  Et  puis  que  nous  sommes  ainsi  asseurez  qu'il  est  devant  Dieu  pour  nous,  que  nous  ne  craignions  point  de  le  prier.  Au  reste,  consolons-nous  si  auiourd'huy  nous  endurons  beaucoup  de  peine,  et  attendons  ce  iour  de  Dieu,  auquel  le  Seigneur  Iesus  a  promis  de  venir  pour  nous  unir  a  soy.  Suyvant  ceste  saincte  doctrine  nous-nous  prosternerons  etc.