25:622  ii  vous  faut  regarder  que  ce  n'est  point  seulement  a  vos  peres  qui  ont  ouy  ceste  promesse,  mais  c'est  aussi  bien  a  leur  lignee:  car  il  est  notamment  dit,  qu'Abraham  enseigneroit  a  sa  famille  les  voyes,  les  droictures  et  iugemens,  et  statuts  du  Seigneur.  Il  a  donc  falu  que  les  enfans  d'Israel  receussent  la  promesse  donnee  iadis  a  leurs  peres,  comme  si  Dieu  eust  parle  a  eux  de  fresche  memoire.  Et  de  faict,  nous  devons  bien  poiser  ceste  circonstance  :  car  Dieu  n'a  point  seulement  dit  a  ceux  qui  ont  este  du  commencement  de  l'Evangile:  Ie  vous  recoy  pour  mon  peuple:  mais  il  a  voulu  que  ceste  doctrine  se  publiast  iusques  en  la  fin.  Notons  donc  que  nous  sommes  comprins  avec  ceux  qui  ont  ouy  la  parole  de  Dieu  du  commencement.  Et  d'autant  que  sa  grace  a  son  estendue  sur  tous,  et  est  commune  a  tous  aages:  il  faut  que  nous  l'escoutions,  veu  qu'elle  nous  est  ainsi  dedi  ee  et  offerte.  Et  pourquoy?  car  Dieu  n'a  point  dit  a  sainct  Pierre,  et  a  sainct  Paul  tant  seulement:  Ie  seray  vostre  sauveur:  mais  il  les  a  constituez  messagers  de  sa  bonte,  afin  que  nous  soyons  enseignez  par  leur  bouche  :  et  qu'auiourd'huy  nous  ne  doutions  point  que  Dieu  ne  vueille  faire  envers  nous  le  semblable  qu'il  a  fait  envers  eux.  Voila  donc  ce  que  nous  avons  a  retenir  quand  il  est  dit.  Que  Dieu  a  promis  a  toute  la  lignee  d'Abraham,  et  a  ceux  qui  seront  descendus  de  sa  race,  la  terre  de  Chanaan  en  heritage.  Et  de  faict,  il  a  falu  tousiours  que  le  peuple  revinst  a  ceste  sentence:  Ie  suis  ton  Dieu  et  le  Dieu  de  ta  lignee  apres  toy.  Et  puis:  Ie  suis  le  Seigneur  faisant  misericorde  en  mille  generations:  comme  nous  verrons  ci  apres.  Or  cela  n'a  pas  este  dit  seulement  pour  un  temps:  il  faut  auiourd'huy  qu'il  s'accomplisse  aussi  bien.  Cognoissons  donc,  que  Dieu  ayant  une  fois  plante  le  tesmoignage  de  nostre  salut,  veut  qu'il  profite  iournellement,  et  que  nous  cognoissions  qu'il  nous  appelle  pour  posseder  son  royaume,  et  qu'ii  appelle  en  nos  personnes  ceux  qui  viendront  apres  nous.  Tellement  que  les  enfans  qui  procedent  des  Chrestiens,  sont  desia  choisis  de  Dieu  pour  estre  de  son  trouppeau,  et  de  sa  maison:  devant  qu'ils  soyent  sortis  du  ventre  de  leur  mere,  que  Dieu  desia  les  a  recueillis  a  soy.  Quand  nous  cognoissons  une  telle  doctrine,  ne  voila  point  une  confirmation  excellente?  quand  nous  voyons  que  Dieu  devant  que  nous  fussions  nais,  que  nous  fussions  creez,  desia  nous  a  donne  un  fondement  de  nostre  salut,  sur  lequel  nous  pouvons  bastir?  Mais  on  pourroit  ici  demander  comment  la  terre  a  este  promise  aux  Peres  qui  iamais  n'en  ont  eu  possession.  Car  nous  scavons  qu'Abraham,  Isaac  et  Iacob  se  sont  confesse  estrangers,  qu'ils  n'ont  point  eu  la  terre  en  seigneurie:  mais  qu'ils  j  ont  este  comme  povres  vagabons:  comme  on  les  a  dechassez  ca  et  la,  voire  iusques  a  leur  oster  l'eau:  qu'ils  n'avoyent  point  de  l'eau  a  boire:  et  non  seu-