9:621  621  A  UN  HOLANDOIS.  G22  et  quant  la  raison:  c'est  que  les  disciples  estoyent  comme  aux  nopces,  cependant  [page  64]  qu'ils  estoyent  en  la  compaignie  de  l'espoux  (Matth.  9,  15):  mais  que  le  temps  viendra  qu'ils  auront  a  souffrir  beaucoup  de  persequutions,  et  pourtant  il  les  exhorte  a  s'y  apprester.  Or  le  temps  est  venu:  car  Iesus  Christ  est  mort  et  ressuscite  afin  que  nous  vivions  et  mourions  a  luy,  et  qu'il  soit  glorifie  en  noz  corps  par  la  mort.  Ainsi  tout  ce  que  ce  brouillon  amene  fait  contre  luy.  Ie  luy  confesse  bien  que  si  les  pasteurs  ne  monstrent  le  chemin  aux  brebis,  ceste  paresse  leur  tourne  a  grande  honte:  mais  si  nous  faut-il  tenir  la  reigle  du  maistre:  c'est  que  chacun  la  suive  selon  qu'il  est  appele,  sans  que  nul  regarde  a  son  compagnon.  Car  quand  il  fut  dit  a  Pierre,  Suy  moy,  il  repliquoit  bien,  en  monstrant  Iean,  Et  cestuy-cy  quoy?  mais  il  luy  fut  dict  derechef,  Que  te  chaut-il  que  Iean  face?  Suy  moy  (Iean.  21,  20).  Apprenons  donc  de  ne  point  porter  envie  a  ceux  que  Dieu  espargne:  et  cependant  que  chacun  boive  le  bruvage  qui  luy  sera  ordonne.  Ce  rustre  avoit  desia  asses  monstre  cy  dessus  que  ce  luy  est  tout  un,  moyennant  qu'il  se  moque  et  gaudisse  d'estre  cognu  un  effronte,  voire  un  chien:  mais  apres  s'estre  enyvre  de  son  long  babil,  il  se  donne  en  la  fin  plus  grande  licence.  Il  y  a,  dit-il,  trois  choses  requises  a  ce  qu'un  homme  soit  capable  de  confesser  Iesus  Christ.  Premierement  qu'il  le  cognoisse  en  pleine  certitude:  secondement  qu'il  .sache  tresbien  discerner:  finalement  qu'il  soit  envoye  de  Dieu.  Les  simples  n'appercevroyent  pas  en  ceste  brievete  ce  qu'il  veut  dire.  Mais  oyons  la  declaration.  Celuy,  dit-il,  qui  veut  [page  65]  confesser  la  verite  qui  est  Iesus  Christ,  doit  avoir  tresbien  cognu  que  c'est  que  de  verite.  Si  ainsi  est,  il  faut  qu'il  soit  delivre  par  la  verite  de  tout  peche.  Car  celuy  qui  peche,  et  ne  fust-ce  qu'en  convoitant  une  femme,  est  serf  de  peche.  Parquoy  nul  ne  cognoist  verite,  sinon  celuy  qui  n'a  plus  que  Christ  demourant  en  soy.  Pour  donner  couleur  a  cecy,  il  deduit  un  argument  commun:  c'est  qu'il  ne  suffit  point  de  scavoir  que  le  Pape  est  Antechrist,  et  la  Messe  idolatrie,  et  choses  sembables.  Or  ie  luy  accorde  volontiers  que  pour  estre  Chrestien  il  faut  estre  nouvelle  creature,  et  que  nous  ne  savons  que  c'est  de  Iesus  Christ  et  de  la  verite  de  l'Evangile,  si  nous  ne  sommes  affranchis  de  la  servitude  de  peche,  et  que  nous  n'ayons  despouille  le  vieil  homme,  a  ce  que  l'image  de  Dieu  soit  restauree  en  nous.  Mais  la  question  est  autre:  assavoir  si  nous  ne  sommes  point  regenerez  sinon  en  perfection.  Or  toute  l'Escripture  monstre  que  les  fideles  doivent  proufiter  et  s'avancer  tout  le  temps  de  leur  vie:  et  ainsi  que  nul  n'est  parfaict,  mais  que  les  plus  saincts  sont  encores  au  chemin,  et  qu'ils