8:621  621  MICHAELIS  SERVETI.  622  conditio  fuit?  Adde  quod  baptismum  non  praecesserant  illae  prophetiae.  Quare  aeternam  et  inviolabilem  Christi  legem,  si  Serveto  creditur,  transgressus  esset  Paulus.  Quid  etiam  de  illo  adulescente  dicet,  qui  sopore  oppressus  ex  fenestra  decidit?  Convenerat  ecclesia  ad  frangendum  mysticum  panem:  adest  cum  reliquis  non  statae  aetatis  vir,  sed  adulescens.  Qua  prophetia  nondum  aptus  regno  Dei,  in  sacrum  coetum  intrusus  fuerat?  Quid?  an  frustra  deinde  Timotheum  admonet  Paulus,  ut  se  aetatum  rationi  accommodet?  Iuvenes,  inquit,  hortare  ut  fratres:  iuvenculas,  ut  sorores.  An  quadragenarias  iuvenculas  nobis  confinget  Servetus,  ne  baptismus  ad  filias  Dei  natu  minores  effluat?  Similiter  quum  Petrus  iubet  adulescentes  senioribus  parere,  et  subesse,  velim  ut  hic  bonus  finitor  utriusque  aetatis  fines  componat.  Aliquod  certe  intermedium  tempus  esse  oportet:  quia  absurde  alios  aliis  subiiceret  Petrus  unius  vel  alterius  anni  respectu.  Iam  illustrior  aetatum  distinctio  ponitur  a  Iohanne,  quam  [pag.  228]  ut  frigidis  Serveti  naeniis  obscurari  queat:  Scribo  vobis  patres  quia  novistis  eum  qui  est  ab  initio,  scribo  vobis  adolescentes  quia  vicistis  malignum,  scribo  vobis  filioli  quia  novistis  patrem  (1  Ioann.  2,  12  seqq.).  Nonne  videmus,  ut  a  pueritia  usque  colligat  Deo  filios,  ut  in  fidei  unitatem  coeant  omnes  aetates?  Et  certe  quum  Ioel  de  Christi  regno  vaticinans  spiritum  prophetiae  iuvenibus  perinde  ac  senibus  promittat,  a  primo  fidei  tirocinio  eos  prohiberi  plus  quam  absurdum  est.  Nec  vero  quatuor  filias  Philippi,  quae  adhuc  domi  eius  educabantur,  vetulas  fuisse  quisquam  sanus  coniiciet:  spiritu  tamen  prophetiae  dotatas  fuisse  Lucas  testatur.  Quis  ergo  ante  annos  triginta  baptismo  maturas  fuisse  dubitet?  Perstat  tamen  Servetus,  quod  aetas  triginta  annorum  sit  aetas  adulta  Christi,  in  qua  docet  Paulus  perveniri  ad  veram  filii  Dei  cognitionem,  quum  ante  nonnisi  puerilis  sit  cognitio,  Ephes.  4.  Quis  neget  manu  carnificis  ad  frangendam  huius  bestiae  contumaciam  opus  fuisse?  Fideles  alloquitur  Paulus,  quibus  etiam  se  annumerat.  Proficere  eos  omnes  iubet,  donec  in  plenitudinem  fidei  occurrant.  Hic  nebulo  blasphemiae  suae  vomitu  totius  ecclesiae  baptismum  delere  conatur.1)  Ut  tamen  aliquando  ex  hac  colluvie  egrediar:  si  obtineat  lex  Serveti,  quid  miseris  omnibus  fiet,  qui  viginti  annis  maiores  ante  tricesimum  ex  hac  vita  migrant?  Mortale  peccatum,  autore  Serveto,  ab  annis  viginti  obrepit.  Unde  necesse  est  secundam  quoque  mortem  dominari:  lavacro  regenerationis  eripi  nos  ab  exitio  docet,  ex  quo  mortali  peccato  sumus  obstricti.  Peribit  ergo  innumera  1)  Add.  sous  ombre  que  S.  Paul  parle  d'aage  d'homme  qui  est  autant  pour  les  ieunes  que  pour  les  vieux  selon  que  Dieu  conduit  chacun  a  perfection.