7:621  621  REFORMANDAE  RATIO.  622  habent  proprium  sacramenta  ut,  pro  humani  ingenii  modulo,  quod  spirituale  est,  in  visibili  signo  conspiciendum  praebeant.  Haec  porro  coenae  spiritualis  est  veritas,  carnem  Christi  esse  cibum,  et  sanguinem  eius  potum,  quibus  animae  nostrae  pascuntur.  Huic,  nisi  signum  respondeat,  sublata  est  sacramenti  ratio.  Panem  ergo  nobis  porrigi  et  vinum  necesse  est,  ex  quibus  discamus  quod  hic  nobis  Christus  figurat.  Iam  si  inane  est  panis  simulacrum,  quod  cernimus,  quid  nobis  testabitur,  nisi  inanem  carnis  Christi  umbram?  Speciem  panis1)  esse  fingunt,  quae  oculos  ludat.  Quo  nos  tandem  haec  imago  perducet?  Proinde,  ut  verum  animae  pastum  hic  fideles  agnoscant,  signum  illis  sisti  [pag.  12ll  oportet,  quod  corpori  pascendo  conveniat.  Denique,  hoc  in  sacramentis  agitur,  ut  signi  reique  signatae  analogia  et  affinitas,  quidam  sit  veluti  transitus  a  sensu  corporis  ad  animae  intelligentiam.  Quid  nunc  boni  moderatores?  Quod  te  panem  gustare  putas  et  vinum,  falleris:  desiit  enim  panis  esse  qui  erat,  nec  quidquam  restat,  nisi  spectrum.  Cuius  ergo  rei  mihi  symbolum  erit?  Quo  res  melius  pateat,  similitudinem  mutuemur  ex  baptismo.  Si  quis  aquam  esse  neget,  qua  illic  abluimur,  annon  protinus  evanescet  tota  baptismi  veritas?  Quis  enim  sibi  persuadeat,  lavacrum  se  habere  regenerationis,  si  in  signo  nihil  tale  inveniat?  Ergo  ut  fructuosum  sit  nobis  sacramentum,  hoc2)  nobis  nunquam  patiamur  excuti,  quod  etiam  compluribus  et  firmis  scripturae  testimoniis  comprobatur:  panem  qui  frangitur  inter  nos  esse  corporis  Christi  κοινωνίαν:  similiter  et  vinum,  sanguinis.  Accedit  ad  perspicuam  scripturae  doctrinam  veteris  ecclesiae  consensus.  Nihil  certius  est,  quam  hoc  delirium,  quum  plus  sexcentis  annis  nemini  venisset  in  mentem,  a  rixosis  sophistis  subito,  quasi  abortivum  aliquem  foetum,  prodiisse:  et  tamen  sic  obtinuerat3)  illa,  quam  dixi,  de  signi  cum  re  signata  analogia  persuasio,  ut  initio  explosum  fuerit.  Fluxerunt  deinde  complures  anni,  quibus  crevit  barbaries,  et  una  cum  bonarum  omnium  artium  studio  purior  religio  obsolevit.  Hoc  vero4)  fuit  opportunum  Satanae  tempus,  quo  reiectitium  hoc  dogma  de  integro  inveheret.  Et  tamen  exstiterunt,  saeculis  fere  omnibus  sani  homines,  qui  saltem  displicere  sibi  non  [pag.  122]  dissimularent,  idque  non  libera  modo  voce,  sed  scriptis  quoque  facerent  testatum.  Sed  demus  sane  errorem  esse  longa  vetustate  confirmatum,  nos  tamen  religione  constrictos  tenent  verba  Christi,  ne  ullis  hominum  placitis,  quae  nos  inde  abducant,  subscribere  audeamus.  Iubet  Christus  panem  accipere  et  edere.  Haec  omnium  maxime  1)  une  figure  de  pain  sans  substance.  2)  la  convenance  du  signe.  3)  estoit  tellement  enracinee  aux  espritz  des  hommes.  4)  Ed,  germ.  habet:  vere.