6:621  CONSILIUM  PHILIPPI  MELANCHTHONIS.  [pag.  98]  Non  dubium  est,  omnes  creaturas  rationales  obligatas  esse  ad  primum  praeceptum  :  ut  verum  Deum  vero  timore  et  vera  fide  colant,  et  fugiant  omnia  idola  ethnica,  mahometica,  haeretica  et  quarumcunque  sectarum  portenta,  pugnantia  cum  verbo  Dei,  in  quo  se  verus  Deus  patefecit:  Dominum  Deum  tuum  adorabis,  et  illi  soli  servies  (Matth.  4,  10).  Nec  tantum  interior  cultus  necessarius  est,  sed  etiam  externa  significatio,  seu  confessio,  seu  professio:  Qui  negaverit  me  coram  hominibus,  negabo  eum  coram  patre  coelesti  (Matth.  10,  33).  Negat  autem,  qui  nunquam  aperte  confitetur,  imo  etiam  perseverat  in  testimoniis  contrariis  'verae  invocationi:  legit  missas,  aut  adorat  panem,  aut  statuas.  Quod  enim  quidam  dicunt,  se  non  negare,  sed  interrogatos,  dicturos  esse  quod  sentiant,  nec  opus  esse  sine  vocatione  periculum  accersere:  etsi  haec  vera  sunt,  tamen  interea  non  sunt  contraria  facienda  verae  invocationi.  Ut  si  quis  captivus  ex  Christianis,  vivens  inter  Turcas,  tacitus  apud  sese  Christum  invocaret,  nec  tamen  externa  professione  [pag.  99]  suam  fidem  ostenderet,  imo  etiam  interesset  turcicis  sacris:  haud  dubie  reus  esset  aeternae  irae  Dei.  Sed  ubicunque  sumus,  sive  inter  Turcas,  sive  inter  haereticos,  sive  inter  vere  pios,  interdum  aliqua  confessio  necessaria  est:  et  certe  contraria  verae  invocationi  non  sunt  facienda.  Si  quis  igitur  est  sacrificulus  aut  monachus,  et  cogitur  missas  celebrare,  ut  vocant,  si  intelligit  se  impie  facere,  omittat  eas  missas,  nec  agat  contra  conscientiam:  nec  potest  inveniri  excusatio  ulla  pia,  cur  liceat  retinere  eam  consuetudinem.  Idem  dico  de  laicis.  Ea  *)  quae  norunt  vere  esse  idolorum  cultum,  fugiant  iuxta  illud:  Fugite  idola  (1  Ioann.  5,  21).  Sunt  autem  manifesti  cultus  idolorum,  invocatio  sanctorum,  qui  ex  hac  vita  discesserunt:  invocatio  ad  certas  statuas,  adoratio  panis  in  impiis  missis,  et  in  circumgestatione.  Aliqui  dissimulantes  agnitam  veritatem,  confirmant  saevitiam  regum.  Hi  etiam  magis  peccant,  1)  Et  1576  seqq.