5:621  ACTES  DE  RATISBONNEe  combien  grande  multitude  d'ames  ceste  loy  de  celibat  ou  inhibition  de  se  marier,  a  tire  desia  long  temps  par  cy  devant  en  damnation  eternelle.  Combien  doncques,  que  le  celibat  par  adventure  est  le  plus  duysant  et  convenable,  pour  contregarder  les  richesses  ecclesiastiques,  toutesfoys,  on  doit  plus  avoir  d'esgard  au  vray  service  de  Dieu,  salut  des  ames,  et  exemple  publicque.  Car  les  Prestres  estans  souillez  de  mauvaise  conscience,  ne  peuvent  invocquer  Dieu,  ains  ilz  tresbuchent  en  perdition  eternelle  et  portent  dommage  par  leur  maulvais  exemple  aux  meurs  et  conditions  des  aultres.  Si  les  gouverneurs  ne  sont  esmeuz  par  ces  causes  de  si  grande  importance,  s'ilz  empeschent  la  vraye  invocation,  s'ilz  ne  sont  touche  en  leur  coeur  pour  la  perdition  des  aultres,  veritablement  il  y  aura  en  l'Eglise  une  trop  aspre  servitude:  Parquoy  nous  prions  que  les  ministres  de  l'Evangile  soyent  retirez  du  lien  de  Celibat.  C'est  un  abuz  commun  partout,  par  lequel  Dieu  est  griefvement  offence,  en  ce  que  les  hommes  addonnez  et  subiectz  a  publique  turpitude  demandent  absolution,  et  viennent  a  la  Cene  du  Seigneur  sans  aucune  vraye  repentance,  ia  soit  toutesfoys  que  pour  la  maniere  accoustumee  de  faire  ilz  monstrent  quelque  feincte  apparence  de  penitence.  Cela  vient  de  ce  que  les  Evesques  depuis  long  temps  n'ont  tenu  compte  des  iugemens  ecclesiastiques,  comme  nous  declarerons  puis  apres.  Mais  toutesfoys  qu'il  soit  commande  aux  pasteurs,  que  prudemment  ilz  administrent  [fol.  131]  les  Sacremens,  ne  donnans  aucune  absolution  a  ceulx  qui  ne  promettent  enrendement  de  leur  vie.  Et  s'ilz  peuvent  qu'ilz  donnent  a  congnoistre  aux  iuges  ecclesiastiques  ou  aultres  Magistratz,  ceulx  qui  seront  addonnez  a  paillardise  publique.  Que  les  pasteurs  une  fois  l'an  en  chascune  Eglise  oyent  leurs  parroissiens  par  ordre,  principalement  les  plus  rudes  et  ignorans,  les  examinans  de  leur  foy,  et  que  cela  se  face  au  temple.  Or  il  n'y  a  personne  qui  se  puisse  substraire  de  l'authorite  du  pasteur  en  cest  endroit:  car  nous  devons  tous  en  particulier  faire  profession  de  nostre  foy,  principalement  devant  les  bons  et  fideles  pasteurs,  quand  selon  leur  devoir  ilz  le  requierent.  Lors  le  pasteur  doit  admonester  en  prudence  et  gravite,  mesme  un  chascun  particulierement  des  choses  qui  sont.  requises,  selon  Peage  et  conditions  d'un  chascun,  enseignans  les  ignorans,  de  foy,  des  bonnes  meurs  et  de  l'usage  des  Sacremens.  Et  a  celle  fin  que  le  peuple  puisse  venir  a  la  Cene  en  bonne  et  paisible  conscience:  il  fauldra  pourveoyr  aux  consciences  de  ceulx  qui  ayment  mieulx  user  du  Sacrement  tout  entier,  veu  qu'ilz  congnoissent,  que  telle  est  la  coustume  ancienne.