49:621  621  SUR  L'EPITRE  AUX  CORINTHIENS.  622  avec  si  grande  rigueur  contre  les  Iuifs,  d'autant  qu'ils  s'estoyent  polluez  parmi  les  Madianites,  et  avoyent  adore  leurs  idoles:  et  surtout  ce  Baalpheor,  qui  estoit  une  idole  si  vileine  et  si  execrable.  Mais  quand  tout  sera  bien  regarde,  S.  Paul  non  sans  cause  assigne  ce  mal  a  la  paillardise  qui  en  a  este  la  source.  Et  de  faict,  ce  fut  le  conseil  de  Balaam:  car  apres  que  Dieu  luy  eut  ferme  la  bouche,  et  que  combien  qu'il  se  fust  vendu  (ou  loue)  pour  convertir  la  verite  en  mensonge,  neantmoins  il  falut  maugre  ses  dents  qu'il  prononcast  la  benediction.  Il  usa  d'une  astuce,  et  dit  au  Roy  Balaac,  II  faut  que  tu  seduises  ce  peuple.  Car  si  tu  penses  rien  gaigner  par  ta  force,  ni  par  le  moyen  de  tous  tes  alliez,  tu  t'abuses:  car  ce  peuple  ha  la  protection  de  Dieu,  qui  est  invincible.  Mais  si  tu  le  peux  desnuer  de  la  grace  de  son  Dieu  s'en  est  fait:  voyla  un  peuple  desespere.  Et  comment  cela  viendra  ii  ?  Il  faut  que  tu  envoyes  filles  et  femmes,  et  qu'elles  seduisent  le  peuple:  au  moins  ceux  qui  se  voudront  desbaucher:  quand  cela  sera  fait,  qu'elles  les  attirent  aussi  bien  a  toutes  superstitions.  Et  Dieu  ne  pourra  souffrir  cela.  Tu  as  donc  gaigne  la  victoire,  si  tu  peux  pervertir  ce  peuple,  qu'il  ne  serve  plus  purement  a  son  Dieu.  Ainsi  donc  suyvant  cela,  nous  voyons  que  sainct  Paul  a  bien  note  pourquoi  Dieu  a  este  offense  contre  son  peuple,  quand  il  a  fait  une  telle  et  si  grande  desconfiture  :  c'est  a  scavoir  pour  ia  paillardise.  Tant  y  a  que  nous  voyons  vingt  et  quatre  mille  hommes  exterminez:  voire  qui  estoyent  circoncis,  et  avoyent  en  leurs  corps  la  marque  d'adoption  imprimee,  et  le  tesmoignage  exterieur  que  Dieu  les  tenoit  du  rang  de  son  Eglise:  comme  auiourd'huy  nous  en  sommes  advouez  par  le  Baptesme.  Et  voyla  neantmoins  Dieu  qui  a  desploye  sa  main  forte  pour  les  ruiner:  ceste  punition  ne  doit  elle  pas  bien  estonner  tous  ceux  qui  cognoissent,  et  sont  persuadez  au  vif  que  Dieu  est  le  Iuge  du  monde?  Or  il  ne  change  point  de  propos  :  et  ne  faut  point  que  nous  alleguions,  comme  d'aucuns  fantastiques,  que  Dieu  a  este  plus  rude  sous  l'ancien  Testament  qu'auiourd'huy,  a  cause  que  nous  sommes  sous  la  Loy  de  grace.  Telles  gens  scauront  que  ces  blasphemes  la  parvienent  iusques  au  ciel,  et  qu'ils  sont  enregistrez  devant  Dieu,  et  que  iamais  ne  seront  effacez  qu'ils  n'emportent  leur  payement  tel  qu'ils  meritent.  Vray  est  qu'auiourd'huy  nous  ne  verrons  pas  des  punitions  si  patentes  et  notoires,  comme  on  les  a  veues  sous  la  Loy.  Et  la  raison  est  bien  facile  a  comprendre:  car  alors  il  n'y  avoit  point  encore  ceste  declaration  si  patente  que  nous  l'avons  en  l'Evangile,  ni  de  la  vie  eternelle,  ni  aussi  de  ce  conte  qu'il  nous  faudra  rendre  au  dernier  iour.  Nous  scavons  que  Dieu  alors  a  fait  gouster  sa  grace  aux  Iuifs  en  ce  monde,  et  par  des  benefices  terriens  et  temporels:  non  pas  qu'il  les