48:621  621  DE  L'ASCENSION.  622  dire  qu'il  vient  par  cachetes,  et  qu'il  se  muce  sous  le  pain  et  sous  le  vin.  Or  puis  que  nous  scavons  que  signifie  ce  mot,  applicquons-le  a  nostre  usage.  Nous  avons  dit  que  les  Anges  avoyent  promis  aux  Apostres,  que,  tout  ainsi  qu'ils  l'avoyent  veu  monter  au  ciel,  il  reviendroit.  Quel  profit  aurions-nous  qu'il  fust  descendu  pour  souffrir  mort  et  passion,  quand  nous  n'aurions  point  d'esperance  de  le  veoir  iamais?  Mais  quand  nous  avons  la  promesse  qu'il  doit  revenir  pour  nous  recueillir  et  pour  nous  unir  a  soy,  voyla  ou  nous  nous  devons  consoler.  Ainsi  ceci  n'a  pas  este  dit  seulement  pour  les  Apostres,  mais  il  a  este  dit  pour  nous:  et  faut  que  nous  apprenions  de  nous  consoler  en  cela,  que  combien  que  nous  soyons  separez  de  luy  par  longue  espace  de  lieu,  toutesfois  il  apparoistra  a  nostre  redemption.  Et  pourtant  nous  devons  hausser  la  teste,  et  en  cela  surmonter  toutes  les  fascheries  qui  nous  pourroyent  advenir.  Mesmes  par  ceci  nous  pourrons  bien  iuger  si  nous  avons  foy  a  Iesus  Christ.  Car  quand  on  nous  parle  qu'il  reviendra,  si  nous-nous  en  esiouissons,  et  que  nous  sentions  un  desir  de  sa  venue  en  nostre  coeur,  c'est  signe  que  nous  avons  vraye  foy  a  luy.  Au  contraire,  si  nous  craignons  ce  iour,  et  si  nous  avons  ceste  affection  que  nous  le  repousserions  volontiers,  s'il  nous  estoit  possible,  c'est  un  vray  signe  de  nostre  infidelite.  Maintenant  on  voit  bien  que  la  foy  est  fort  rare  en  tout  le  monde.  Car  nous  devenons  estre  consolez  quand  on  nous  parle  de  sa  venue,  d'autant  que  c'est  le  iour  de  nostre  redemption,  comme  dit  S.  Paul  au  8.  ch.  des  Romains.  Et  il  y  en  a  bien  peu  qui  le  facent.  Si  donc  nous-nous  en  contristons  quand  on  nous  dit  qu'il  viendra,  est-ce  pas  signe  que  nous  n'esperons  pas  que  Iesus  Christ  soit  nostre  Redempteur?  Vray  est  que  nostre  redemption  a  este  faite  par  sa  mort,  mais  toutesfois  quand  nous  serons  despouillez  de  ce  corps,  alors  nous  serons  despouillez  de  la  servitude  de  peche.  Voyla  comment  la  mort  nous  deveroit  estre  desirable.  Ainsi  pour  tant  que  la  redemption  universelle  ne  se  fera  iusques  au  dernier  iour,  il  faudroit  aussi  bien  gemir,  comme  toutes  creatures  gemissent,  attendans  ce  iour,  d'autant  qu'elles  sont  suietes  a  corruption  a  cause  du  peche  de  l'homme,  et  elles  desirent  d'en  estre  delivrees.  Voyla  donc  le  ciel  et  la  terre,  et  toutes  autres  creatures  qui  desirent  que  Iesus  Christ  apparoisse,  afin  de  restaurer  toutes  choses:  ne  sera-ce  pas  grand'honte  a  nous  si  nous  n'avons  plus  de  desir  de  ceste  venue  que  les  bestes  insensibles?  Car