35:621  621  DE  LA  PROPHETIE  DE  CHRIST.  622  par  honte  des  hommes.  Quoy  qu'il  en  soit,  si  estce  que  Iesus  Christ  sera  mesprise  et  reiette:  et  s'il  n'avoit  este  predit,  nous  pourrions  estre  esbranslez  en  nostre  foy.  Mais  ceste  sentence  d'Isaie  nous  doit  estre  comme  un  baston  pour  nous  soustenir,  voire  comme  un  rocher  ferme,  quand  nous  voyons  que  tout  le  monde  se  vient  heurter  contre  nostre  Seigneur  Iesus  Christ:  que  les  uns  le  despitent,  et  se  viennent  dresser  en  toute  furie  contre  luy  et  sa  doctrine:  les  autres  sont  mocqueurs,  et  tirent  la  langue  pour  avoir  en  mespris  toute  religion.  Que  donc  lors  nous  persistions  neantmoins  constamment  en  nostre  foy.  Il  est  vray  qu'il  seroit  bien  a  desirer  que  Iesus  Christ  fust  contemple  de  loin,  et  que  chacun  s'assuietit  a  luy,  comme  c'est  le  vray  miroir  et  patron  de  toute  saintete:  mais  tant  y  a  que  d'autant  plus  que  nous  voyons  que  le  monde  le  reiette,  il  faut  que  nostre  foy  soit  tant  mieux  confermee.  Car  comment  pourrons  nous  discerner  que  Iesus  Christ  est  le  Redempteur  du  monde?  Regardons  ce  qui  est  dit  de  luy  par  tous  les  Prophetes.  Et  de  faict,  voyla  le  vray  miroir  ou  ii  nous  faut  contempler  la  gloire  du  Fils  unique  de  Dieu:  voyla  les  vrais  tesmoins  que  Dieu  a  envoyez  du  ciel  pour  nous  marquer  quel  devoit  estre  nostre  Redempteur,  ascavoir  qu'il  seroit  reiette  de  tout  le  monde,  et  que  chacun  s'esleveroit  contre  luy.  Puis  qu'ainsi  est,  acceptons-le  avec  telle  condition:  et  ne  doutons  pas  que  quand  il  semblera  que  nous  devions  estre  accablez  du  tout,  et  foullez  au  pied  par  l'audace  et  orgueil  des  meschans,  neantmoins  Dieu  magnifiera  nostre  Seigneur  Iesus  Christ,  et  fortifiera  nostre  foy  par  son  S.  Esprit,  tellement  qu'elle  sera  victorieuse  iusques  en  la  fin:  et  que  comme  nostre  Seigneur  Iesus  a  vaincu  le  diable,  comme  il  faudra  en  la  fin  que  luy  et  tous  ses  supposts  soyent  mis  comme  son  marchepied:  aussi  il  nous  fera  triompher  avec  luy  pour  marcher  sur  tous  ceux  qui  nous  persecutent,  et  qui  auiourd'huy  s'eslevent  en  telle  furie  contre  nous,  et  qui  mesmes  le  mesprisent  et  le  despitent.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes  le  prians,  etc.  TROISIEME  SERMON  Isa.  Chap.  LIII.  4.  Tour  vray  il  a  porte  nos  langueurs,  et  a  charge  nos  douleurs:  toutes  fois  nous  V  avons  estime  estre  navre  de  Dieu,  et  afflige.  5.  Or  il  a  este  navre  pour  nos  iniquitez,  afflige  pour  nos  pechez:  la  correction  de  nostre  paix  a  este  sur  luy,  et  en  ses  playes