25:621  621  SUR  LE  DEUTER.  CHAP.  I.  622  lible  de  la  vie  celeste?  Regardons  donc  aux  promesses:  que  nous  n'allions  point  vaguer  ne  ca  ne  la,  comme  nous  voyons  que  plusieurs  sont  transportez  de  ceste  curiosite,  suffise  nous  que  Dieu  nous  a  eertifiez,  qu'il  nous  a  enseignez  qu'il  ne  veut  pas  seulement  nous  estre  pere,  pour  nous  conduire  en  ce  monde,  mais  que  iamais  ne  nous  laissera,  et  que  nous  serons  tousiours  gouvernez  par  luy  :  que  quand  il  aura  esprouve  ici  nostre  foy,  que  nous  aurons  plaine  iouissance  des  choses  qui  nous  sont  promises:  apres  nous  avoir  despouillez  de  ce  corps  mortel,  que  nous  serons  ressuscitez  en  luy,  il  y  a  une  immortalite  qui  nous  est  maintenant  cachee.  Contentons-nous  (di-ie)  d'avoir  ce  mot  de  la  bouche  de  Dieu,  pour  toutes  choses,  et  ne  repliquons  point  selon  nos  folles  phantasies  comment  il  en  ira:  mais  Dieu  a-il  parle?  tenons-nous  a  son  dire.  Et  c'est  ce  que  Moyse  a  ici  entendu,  disant,  Dieu  a  iure  a,  vos  Peres.  Qui  plus  est  il  nous  faut  noter,  que  la  doctrine  qui  aura  este  publiee  au  nom  de  Dieu,  n'est  pas  pour  un  aage  seulement,  mais  qu'elle  doit  servir  pour  tousiours,  et  qu'elle  retient  sa  vertu  et  sa  vigueur.  Abraham,  Isaac,  et  Iacob  estoyent  trespassez  et  pourris  en  terre  quand  ces  choses  ont  este  dites:  mais  la  promesse  que  Dieu  leur  avoit  donnee  estoit  vivante.  Combien  donc  que  les  hommes  soyent  mortels  et  caduques,  toutesfois  la  parolle  de  Dieu  est  permanente:  et  si  elle  est  semence  de  vie  incorruptible,  il  faut  bien  qu'elle  soit  exempte  de  toute  corruption,  qu'elle  n'ait  point  de  fin.  Notons  bien  donc  que  Dieu  n'a  point  parle  du  temps  iadis,  a  ce  que  sa  doctrine  s'ensevelist  apres  un  aage,  mais  il  faut  qu'elle  nous  soit  proposee  iusques  en  la  fin  du  monde,  et  que  nous  la  recevions  en  toute  reverence.  Comme  auiourd'huy,  combien  que  les  Prophetes  et  Apostres  soyent  trespassez,  si  est-ce  que  Dieu  besongne  encores  par  eux:  et  la  parole  qu'on  nous  porte  auiourd'huy,  non  seulement  a  sa  vertu,  mais  elle  nous  vivifie,  et  fait  que  de  la  nous  recevions  la  pasture  de  nos  ames:  il  faut  que  nostre  salut  en  procede,  et  que  nous  en  soyons  confermez,  en  telle  sorte  que  nous  puissions  surmonter  le  monde  pour  parvenir  iusques  au  royaume  des  cieux.  Voila  donc  ce  que  nous  avons  a  retenir,  quand  il  est  ici  parle  de  la  promesse  que  Dieu  avoit  iuree  aux  Peres  anciens,  lesquels  estoyent  decedez  desia  de  long  temps.  Or  notamment  il  dit:  Qu'Abraham,  Isaac  et  Iacob  ont  este  leurs  peres,  afin  qu'ils  se  cogneussent  successeurs  de  la  benediction  qui  avoit  este  promise.  Et  de  faict,  il  adiouste:  Que  Dieu  avoit  iure  ceste  terre  a  Abraham,  Isaac  et  Iacob,  et  a  ceux  de  leur  lignee:  comme  si  Moyse  disoit,  que  la  promesse  de  Dieu  n'est  point  aneantie,  mais  qu'elle  doit  maintenant  avoir  son  effect:  qu'elle  doit  estre  accomplie  en  leurs  personnes.  Dieu  donc  a-il  parle  ainsi?  dit-il,