7:620  gant.  Taceo  quod  de  forma  baptismi  disputantes,  posthabita  mysterii  explicatione,  quasi  parum  ad  rem  faceret,  in  nudam  verborum  pronunciationem  insistunt:  ac  si  Christus,  quum  apostolos  in  nomen  patris  et  filii  et  spiritus  sancti  baptizare  iussit,  magicum  nescio  quod  carmen  dictasset:  ac  non  potius  summatim  indicare  voluisset,  unde  et  tota  vis  baptismi  fluat,  et  cuius  nomine  iussuque  administretur,  et  cuius  fide  nitatur,  et  quorsum  referri  debeat.  Caeremonias  omnes,  quibus  purum  Christi  baptismum  posteritas  partim  vitiavit,  partim  obfuscavit,  illibatas  manere  iubens:  *)  imo  etiam  restitui,  sicubi  sint  abrogatae.  Hoc  autem  quid  aliud  est,  quam  coenosis  hominum  inquinamentis  coeleste  filii  Dei  lavacrum  inficere?  Simplex  aquae  symbolum  nobis  mandavit  Christus.  Eo,  ut  par  erat,  contenti  fuerunt  apostoli.  Non  eadem  apud  successores  valuit  sobrietas.  Arrisit  enim  oleum,  et  cereus,  et  similes  nugae.  Demum  obrepsit,  quae  solet,  perversa  superstitio:  ut  chrisma  ab  hominibus  additum  pluris  quam  aqua  ore  Christi  consecrata  fieret.  Aquam  vero  ipsam  novo  et  sumptuoso  ritu,2)  quasi  alias  profana  esset,  oportuit  consecrari.  Denique  ipsa  baptizandi  actio  ex  tam  variis  et  multis  partibus  consarcinata  est,  ut  aquae  symbolum,  quod  solum  debuerat  illic  eminere,  sub  magno  cumulo  lateat.  Causantur  superstitionum  magistri,  haec  additamenta  ornando  baptismo  servire:  verum  res  ipsa  clamat,  obscurari  potius  puram  eius  administrationem,  [pag.  120]  Aliqua  igitur  saltem  correctione  opus  erat.  Eam  mediatores  adeo  non  admittunt,  ut  diserte  caveant,  ne  quid  novetur.  Detur  hoc  sane  vetustati:  ut  quaenon  supervacua  modo,  sed  etiam  inutilia  sunt,  tolerentur.3)  Quid  autem,  si  qua  absurda  et  ridicula,  parumque  congruentia  cum  mysterii  dignitate  reperiantur?  Atqui  eiusmodi  esse  sputum  fateri  cogentur,  quo  summa  parvulorum  labra  irrigant.4)  Sputo  Christus  attigit  os  muti,5)  cui  sermonem  restituere  volebat.  Quam  praepostera  est  aemulatio,  quum  idem  in  parvulis  tentant.  An  sic  decebat  commemorari  Christi  miracula?  Ludibrium  hoc,  quod  unde  vel  quando  emerserit  nescitur,  nullum  certe  gravem  autorem  habet,  pertinaciter  quum  defendunt,  nonne  aperte  huc  se  tendere  ostendunt,  ne  qua  lucis  scintilla  nobis  maneat?  In  tractanda  coena,  transsubstantiationis  commentum  revocant:  cui  reclamare  coguntur,  quicunque  verum  coenae  usum  sibi  perire  nolunt.6)  Hoc  1)  Ed.  germ.  add.:  mediatores.  2)  avec  ie  ne  say  quelle  parade.  3)  Add.  pource  qu'elles  ont  si  longuement  este  en  usage.  4)  le  crachat  qu'ilz  mettent  sur  les  aureilles  des  enfans.  5)  Edd.  recentiores  hic  apponunt  I.  Ioann.  9,  6  quum  laudare  deberent  Marc.  7,  31.  6)  si  nous  voulons  avoir  le  vray  usage  d'icelle.