49:620  ia  parole  de  Dieu  est  permanente:  et  ne  faut  pas  que  nous  estimions  qu'elle  soit  caduque  puis  que  luy  est  immuable.  Ainsi  quand  nous  avons  sa  Loy,  et  l'exposition  d'icelle,  tant  aux  Prophetes  qu'en  l'Evangile,  demeurons  la:  et  y  demeurons  fermes  sans  nous  iamais  lasser.  Quand  nous  verrons  le  monde  voltiger  ca  et  la,  et  quand  nous  verrons  que  tont  se  remue,  et  que  c'est  chacun  iour  a  recommencer,  allons  nostre  train,  et  demeurons  en  l'obeissance  de  nostre  Dieu,  qu'il  n'y  ait  nul  qui  ne  s'y  range,  et  que  nous  ayons  en  detestation  tout  ce  qui  peut  porter  preiudice  a  sa  verite.  Et  combien  que  nous  voyons  tout  a  l'entour  de  nous  beaucoup  d'especes  d'idolatries,  efc  de  choses  si  vileines  et  si  brutales,  qu'elles  nous  doyvent  faire  dresser  les  cheveux  en  la  teste,  que  nous  n'en  soyons  point  esbranlez  pourtant:  mais  que  nous  soyons  tant  mieux  retenus  en  bride  courte,  d'autant  que  nous  pourrions  estre  attrapez  d'avant  qu'y  avoir  pense.  Et  ne  faudra  sinon  aller  a  quelque  desbauchement,  ou  a  quelque  invention  vaine,  et  quand  nous  serons  tous  esbahis  que  nostre  conscience  nous  redarguera  devant  Dieu:  et  apres  que  nous  aurons  cerche  de  petites  cachetes,  cela  ne  nous  servira  de  rien.  Celuy  donc  qui  ne  voudra  point  estre  condamne  devant  Dieu  comme  idolatre,  qu'il  avise  de  s'abstenir  de  toutes  les  abominations  des  Papistes,  et  s'en  eslongner  si  loin  qu'il  en  soit  du  tout  separe:  voyant  que  ceux  qui  ont  cuide  n'estre  pas  grand  cas  de  communiquer  aux  choses  qui  sembloyent  estre  petites,  ne  laissent  pas  d'estre  ici  condamnez  pour  idolatres  par  le  sainct  Esprit.  Or  nous  nous  prostenerons  devant  la  maieste  de  nostre  Dieu  etc.  QUATRIEME  SERMON.  1.  COR.  Chap.  X  v.  8.  9.  Comme  au  sermon  precedent  sainct  Paul  nous  a  declare  que  nous  devons  bien  fuir  l'idolatrie,  veu  que  Dieu  en  a  fait  une  si  horrible  vengeance  sur  le  peuple  ancien  :  aussi  il  adiouste  de  la  paillardise,  qu'il  nous  en  faut  bien  garder,  si  nous  estimons  que  Dieu  soit  le  Iuge  du  monde:  car  il  est  recite  par  Moyse  que  pour  un  iour  Dieu  a  extermine  un  tel  nombre  de  gens,  que  nous  en  devons  avoir  horreur.  Il  est  vray  qu'il  n'y  a  ici  que  vingt  et  trois  mille,  et  que  Moyse  en  nomme  vingt  et  quatre  :  mais  cela  est  assez  commun  quand  il  y  a  un  grand  nombre,  et  qu'on  approchera  de  deux  ou  trois,  cela  n'emporte  point  de  discord  :  car  on  entend  qu'il  y  en  ha  tant  ou  environ.  Quoy  qu'il  en  soit,  voyla  une  armee  qui  est  abatue  sans  main  d'homme:  et  cela  est  en  ceste  Eglise  que  Dieu  tenoit  pour  son  heritage.  Il  avoit  choisi  la  lignee  d'Abraham,  et  avoit  la  desploye  sa  grace  et  son  amour.  Cependant  il  faut  qu'une  telle  execution  et  si  rude  et  si  aspre  y  soit  faite.  Pourquoy?  A  cause  que  tous  s'estoyent  desbordez  en  paillardise.  Or  de  prime  face  il  pourroit  sembler  que  sainct  Paul  impute  ici  ce  chastiment  a  la  paillardise,  lequel  est  advenu  pour  autre  raison  :  car  plustost  Dieu  s'est  monstre  severe