25:620  parle  ici  Moyse,  avoit  este  fait  quatre  cens  et  trente  ans  auparavant,  voire  en  la  personne  d'Abraham,  devant  que  nul  d'eux  fust  nay*  Puis  qu'ainsi  est,  que  devant  leur  naissance,  devant  qu'ils  eussent  fait  ne  bien  ne  mal,  desia  Dieu  leur  avoit  promis  la  terre:  de  la  on  peut  conclure,  qu'ils  n'estoyent  pas  dignes  de  la  posseder,  comme  si  Dieu  eust  este  oblige  envers  eux  a  cause  de  leurs  services:  mais  c'est  d'autant  que  par  sa  bonte  gratuite  il  les  en  avoit  constituez  heritiers.  Or  si  cela  est  dit  de  cest  heritage  terrien,  que  le  peuple  d'Israel  a  eu,  que  sera-ce  du  royaume  des  cieux?  le  pourrons  nous  acquester?  le  pourrons-nous  desservir  envers  Dieu  pour  en  estre  participans?  Mais  au  contraire,  que  c'est  de  sa  pure  bonte  que  nous  y  sommes  introduits,  et  que  nous  en  avons  la  iouissance  au  dernier  iour:  car  aussi  tout  ce  qui  est  declaire  de  la  terre  Chanaan,  nous  doit  servir  de  figure  et  ombrage.  Quand  donc  Dieu  declare  au  peuple  que  ce  n'a  point  este  par  sa  vertu  qu'il  l'a  acquise,  et  quil  le  ramene  a  ceste  promesse  qu'il  avoit  faite  desia  de  long  temps:  c'est  pour  nous  monstrer,  que  de  ce  qu'il  est  nostre  Pere,  de  ce  que  nous  sommes  nourris  en  ce  monde  par  luy,  de  ce  que  nous  attendons  une  meilleure  vie  et  plus  excellente,  qu'il  ne  faut  rien  imaginer  de  merite  ne  de  vertu  en  nous,  mais  qu'il  nous  faut  attribuer  le  tout  a  sa  pure  liberalite:  d'autant  qu'il  a  desploye  les  thresors  infinis  de  sa  grace  et  de  son  amour  envers  nous.  Voila  ce  que  nous  avons  a  retenir  en  premier  lieu.  Et  au  reste,  quand  il  est  parle  du  serment,  notons  que  Dieu  a  voulu  condescendre  iusques  la  a  l'infirmite  du  peuple  de  Passeurer  quand  il  a  iure  par  son  Nom.  Comme  maintenant  il  en  use  envers  nous:  car  il  ne  se  contente  point  de  parler,  et  nous  dire  ce  qu'il  veut  faire:  mais  il  ratifie  ses  promesses  par  serment  solennel.  Et  pourquoy?  veu  que  nous  sommes  enclins  a  incredulite,  et  que  nous  branslerions  tousiours,  sinon  que  nous  fussions  bien  appuyez,  il  iure  afin  de  nous  mieux  certifier.  Quand  donc  nous  voyons  que  Dieu  iure  pour  supporter  nostre  foiblesse,  cognoissons  en  premier  lieu  que  nous  sommes  plus  que  pervers,  de  ne  luy  pouvoir  adiouster  foy  a  sa  simple  parolle.  Et  au  reste,  aussi  cognoissons  sa  bonte  inestimable,  en  ce  qu'il  luy  plaist  nous  supporter,  et  iurer  pour  nostre  confirmation.  Or  cependant  aussi  nous  avons  a  noter  qu'il  ne  nous  faut  point  cercher  la  volonte  de  Dieu  en  l'air:  mais  qu'il  nous  faut  contenter  de  sa  parolle,  quand  il  luy  a  pleu  de  se  declarer  a  nous,  et  de  nous  donner  tesmoignage  de  sa  volonte,  qu'il  nous  faut  tenir  la  et  arrester  du  tout.  Et  ainsi,  voulons��-  nous  estre  asseurez  que  Dieu  ne  nous  defaudra  point  tant  en  ceste  vie  presente,  qu'apres  nostre  trespas?  voulons-nous  avoir  une  esperance  infal-