8:62  luem  inde  contractam  adeo  tenacem  esse  agnoscunt,  ut  sibi  in  abstergendis  reliquiis  quotidie  sit  laborandum  :  quantopere  in  vulgus  grassetur  contagio,  *)  iudicare  licet.  Ergo  quos  eiusmodi  scandala  morantur,  recipiant  quod  suum  est,  et  viam  planam  aequabilemque  invenient.  Equidem  si  mihi  esset  magitratus  potestas,  et  opes  ad  hunc  sumptum  sustinendum  satis  amplae:  monachum  ex  antro  suo  egressum  nunquam  nisi  semestri,  ut  minimum,  examine  exacte  probatum  manumitterem,  ut  communi  vita  et  hominum  societate  frueretur.  Quoscunque  viderem  suo  monachismo  adhuc  indutos,  vel  includerem  ergastulis,  vel  tanquam  indomitas  bestias  in  saltum  aliquem  submoverem.2)  Porro  a  papatu  eluere  quas  esse  proprias  eius  sordes  constat,  et  eas  reiicere  in  evangelii  nomen,  nimis  calumniosum  est.  Sed  quid  de  specie  una  disputo?  Nam  si  dissolutam  vitam  in  parum  honestos  quorundam  mores  nobis  obiiciant  papistae,  eadem,  ac  duplo  etiam  maiora,  in  eos  probra  regerere,  plus  quam  iure  nobis  licet.  Atque  utinam  minus  uberem  nobis  materiam  darent.  Apud  eos  s)  quanta  sit  scortandi  impunitas,  quanta  iurgiorum  et  pugnarum  licentia,  quam  permissae  sint  vulgo  genus  omne  lasciviae,  quanto  cum  applausu  regnent  effraenes  pompae,  et  impudicae  saltationes,  et  eiusdem  generis  alia,  dicere  nihil  attinet.  Horum  certe  nihil  est,  quod  non,  ut  sobrie  glorier,  publicis  edictis  apud  nos  vetitum  sit,  et  disciplina  aliqua  cohibeatur,  [pag.  80]  Quare  timendum  non  est,  ne  cum  papistis  comparati  reperiamur  aeque  deformes.  Mala  nostra  quum  reputamus,  est  cur  nos  valde  pudeat.  Sed,  quod  dolendum  est,  facit  extrema  illorum  foeditas,  ut  probi  fere  et  integri  videamur.4)  Mirum  ergo  est,  qui  ad  ferenda  nostrorum  hominum  vitia  tam  sunt  delicati,  in  tolerandis  adversae  partis  sceleribus  esse  bis  ferreos.  In  quo  non  modo  nobis  iniuriam  faciunt,  sed  Deo  quoque  sunt  ingratissimi.  Nam  interim  plurima  rarae  pietatis,  sanctimoniae,  virtutumque  omnium  exempla  praetereunt:  quibus  ad  evangelii  potius  amorem  observantiamque  provocari  ipsos  decebat,  quam  quorundam  delictis  in  eius  adduci  odium  vel  contemptum.  Non  resipuisse  multos  causantur  ex  quo  nomen  evangelio  dederunt.  At  vero,  quam  multos  ex  adverso  proferre  licet,  quorum  mirifica  conversio  evangelium  nostrum  decorat?  Et  quando  nos  ad  gloriandum  cogunt,  qui  tam  maligne  obscurant  evangelii  gloriam:  nulla  est  regio,  quae  non  hac  in  parte  magnificos  1)  Add.  et  en  ceux  qui  ne  sont  pas  des  meilleurs  qu'on  face.  2)  Au  bout  du  terme,  tous  ceux  que  ie  verroye  n'estre  pas  bien  deffroquez  dedans  leur  coeur,  ie  Ies  feroye  travailler  dedans  les  caves  comme  forsaires,  ou  ie  les  enfermeroye  en  quelque  parc  comme  bestes  sauvages.  3)  omnes  ed.  princeps.  4)  il  semble  que  nous  soyons  demi  Anges  au  prix.