7:62  ne  nye  pas  que  Dieu  leur  faict  une  semblable  misericorde  qu'a  ceux  des  Iuifz.  Ie  respons  que  si,l)  Car  nous  avons  a  estimer  la  grace  de  Dieu  principalement  par  la  declaration  qu'il  nous  en  faict,  tant  par  sa  parolle,  que  par  ses  Sacremens.  Puis  donc  que  le  Baptesme  nous  est  au  iourdhuy  ordonne  pour  seeller  en  noz  corps  la  promesse  de  salut,  comme  la  circoncision  estoit  anciennement  au  peuple  Iudaique  :  ce  seroit  frustrer  les  Chrestiens  d'une  singuliere  consolation,  d'oster  a  leurs  enfans  ceste  confirmation,  laquelle  ont  tousiours  eu  les  fideles,  d'avoir  un  signe  visible  par  lequel  nostre  [page  27]  Seigneur  leur  demonstre,  qu'il  accepte  leurs  enfans  en  la  communion  de  son  Eglise.  Ie  say  bien  la  cavillation  qu'ont  icy  les  Anabaptistes,  prenans  allegoriquement  le  nom  d'enfans,  pour  signifier  ceux  qui  sont  enfans  de  malice,  et  non  pas  d'eage.  Pourtant  ilz  se  moquent  de  nous,  entant  que  nous  sommes  si  simples  de  prendre  cela  selon  la  lettre.  Mais  quelle  subtilite  est-ce  la,  ie  vous  prie,  de  vouloir  renverser  ces  promesses  tant  claires  et  faciles:  ou  il  est  dict,  que  Dieu  poursuit  sa  misericorde  sur  la  semence  des  fideles  apres  leur  mort?  D'avantage,  quel  meilleur,  et  plus  certain  expositeur  de  cela  pouvons-nous  avoir  que  le  sainct  Esprit?  lequel  a  interprete  par  les  Apostres,  ce  qu'il  avoit  au  paravant  denonce  par  les  Prophetes.  Or  sainct  Pierre  testifie  aux  Iuifz  qu'ilz  sont  enfans  des  promesses:  c'est  a  dire  heritiers,  entant  qu'ilz  sont  descenduz  de  la  rasse  d'Abraham  (Act.  2,  39;  3,  25).  Et  sainct  Paul,  combien  que  de  propos  delibere  il  combat  contre  la  folle  presumption  des  Iuifz,  qu'ilz  avoyent  en  leur  parentage  charnel:  neantmoins  ne  nye  pas  que  la  rasse  d'Abraham  ne  soit  specialement  sanctifiee  a  cause  et  en  vertu  de  l'Alliance  que  Dieu  avoit  faicte  avec  luy  (Rom.  3,  2;  9,  4).  Il  est  bien  vray  que  [page  28]  quand  les  enfans  des  fideles  seront  venuz  en  eage  de  discretion,  ilz  se  pourront  bien  aliener  de  Dieu,  et  anneantir  la  verite  du  Baptesme.2)  Mais  ce  n'est  pas  a  dire,  que  nostre  Seigneur  ne  les  ait  esleu  et  separe  des  autres,  pour  leur  presenter  son  salut.  Autrement,  ce  seroit  en  vain  que  sainct  Paul  diroit  qu'un  enfant  ayant  pere  ou  mere  fidele  est  sanctifie,  lequel  seroit  immunde,  s'il  estoit  engendre  et  descendu  d'infideles  (1  Cor.  7,  14).  Puis  que  le  sainct  Esprit,  autheur  et  source  de  toute  sanctification,  testifie  que  les  enfans  des  Chrestiens  sont  sainctz  :  est-ce  a  nous  de  les  exclurre  d'un  tel  bien?  Or  si  la  verite  du  Baptesme  est  en  eux,  comment  les  oserons  nous  priver  du  signe,  qui  est  moindre  et  inferieur?  1)  Ego  vero  valde  imminui  ostendo.  2)  Le  traducteur  ajoute,  quantum  in  ipsis  est.