58:62  caignard,  pres  des  cendres.  Voila  donc  ce  que  nous  avons  a  considerer  en  Esau,  et  en  Iacob.  Or  c'est  une  instruction  pour  confermer  ce  que  nous  avons  traite  auparavant:  c'est  assavoir,  que  Dieu  ne  choisit  pas  les  hommes  selon  l'apparence  qu'ils  peuvent  avoir:  mais  aucontraire,  ce  qui  est  repute  le  plus  excellent,  il  le  laisse  la,  et  le  mesprise:  et  ce  qui  est  comme  reiette  des  hommes,  il  l'avance.  Nous  le  voions  tousiours:  mais  encores  il  n'y  a  nulle  doute,  que  le  saint  Esprit  n'ait  voulu  nous  proposer  ceci  en  la  personne  de  nostre  Pere  Iacob,  afin  que  nous  apprenions  d'abbatre  toute  fole  presomption,  et  ne  point  cercher  en  nous  pourquoy  Dieu  nous  elise,  pourquoy  aussi  il  poursuive  sa  grace  envers  nous:  mais  que  nous  cognoissions  qu'il  veut  estre  glorifie  en  nostre  petitesse:  et  nous  aurons  beaucoup  profite  quand  ceste  doctrine  sera  imprimee  en  nos  coeurs.  Car  il  n'y  a  rien  qui  nous  destourne  plus  de  Dieu,  que  quand  nous  voulons  avoir  quelque  vertu  digne  de  louange:  il  faut  que  nous  en  soions  pleinement  despouillez,  ou  nous  sommes  pleins  de  vent,  en  sorte  que  la  grace  de  Dieu  n'a  point  d'entree  en  nous.  D'autant  plus  donc  nous  faut-il  bien  retenir  ce  qui  nous  est  tant  necessaire:  c'est  assavoir,  que  quand  Dieu  nous  elit,  ce  n'est  pas  pour  nos  beaux  yeux  (comme  on  dit).  Et  au  reste,  si  nous  sommes  mesprisez  du  monde,  que  nous  ne  perdions  point  courage:  comme  nous  avons  remonstre,  qu'il  nous  doit  bien  suffire,  que  nous  soions  agreables  a  Dieu,  combien  que  le  monde  nous  desdaigne:  car  nous  voions  ce  qui  a  este  en  Iacob  :  le  voila  en  la  maison,  il  est  la  comme  un  fait-neant  (par  maniere  de  dire)  :  il  est  vray  qu'il  est  entier,  mais  quoy?  Ceste  simplicite-la  est-elle  prisee?  Se  fait-il  valoir?  a-il  reputation?  Il  n'y  a  rien  du  tout:  mais  voila  Esau  qui  est  comme  pardessus  les  nues  des  sa  naissance  :  il  est  homme  forme,  il  a  vigueur  en  soy:  et  puis  quand  il  croist,  il  a  grande  industrie,  il  semble  qu'il  doive  faire  merveilles.  Et  bien,  en  cela  nous  sommes  enseignez  que  le  tout  est  venu  de  Dieu.  Car  s'il  faloit  cercher  aux  hommes  la  cause  de  l'election,  il  est  certain  que  chacun  donneroit  sa  voix  a  Esau,  sans  doute.  Or  cependant  Dieu  prefere  Iacob:  et  pourquoy?  C'est  tout  au  rebours  de  ce  que  nous  pensons.  Ainsi  donc,  nous  avons  a  observer,  que  Dieu  a  tellement  dispense  sa  grace,  qu'il  a  voulu  que  on  cogneust  que  c'estoit  sa  seulle  bonte  qui  l'esmeust  a  aimer  Iacob.  Or  ceste  doctrine  merite  bien  d'estre  meditee  tout  le  temps  de  nostre  vie:  et  c'est  pour  rabbatre  (comme  i'ay  dit)  tout  ce  que  les  nommes  ont  d'outrecuidance  en  eux,  afin  qu'il  n'y  ait  que  la  pure  misericorde  de  Dieu  qui  y  reluise:  et  cependant  que  nous  cognoissions  que  l'Eglise  a  este  tousiours  petite  en  ses  commencemens,  voire  et  que  Dieu  l'avance  d'une  telle  facon,  qu'il  faut  que  l'infirmite  apparoisse  du  coste  des  nommes,  et  que  62