56:62  avec  moy:  et  ii  laissa  sa  robbe  en  la  main  d'elle,  et  s'enfuit,  et  sortit  dehors.  13.  Adonc  quand  elle  veit  qu'il  avoit  laisse  sa  robbe  en  sa  main,  et  s'en  estoit  fuy  :  14.  Elle  appela  les  hommes  de  sa  maison,  et  parla  a  eux,  disant,  Voyez,  il  nous  a  amene  un  homme  Hebrieu  pour  se  mocquer  de  nous:  lequel  est  venu  a  moy,  pour  coucher  avec  moy,  mais  ie  me  suis  escriee  a  haute  voix.  15.  Et  quand  il  a  ouy  que  i'ay  esleve  ma  voix  et  me  suis  escriee,  il  a  laisse  sa  robbe  aupres  de  moy,  et  s'en  est  fuy,  et  sorti  dehors.  16.  Et  elle  reteint  la  robbe  de  Ioseph  vers  soy,  iusqu'a-ce  que  son  maistre  fust  venu  en  la  maison.  17.  Lors  elle  parla  a  luy  selon  ces  propos-la,  disant,  Le  serviteur  Hebrieu  est  venu  a  moy,  lequel  tu  nous  as  amene,  pour  se  gaudir  de  moy.  18.  Mais  comme  i'ay  esleve  ma  voix,  et  me  suis  escriee,  il  a  laisse  sa  robbe  aupres  de  moy  et  s'en  est  fuy  dehors.  19.  Alors  quaod  son  maistre  eut  ouy  les  paroles  que  luy  disoit  sa  femme,  disant,  Ton  serviteur  m'a  fait  selon  ces  propos:  sa  colere  fut  enflammee.  20.  Ainsi  le  maistre  prenant  Ioseph,  le  mit  en  la  prison,  au  lieu  auquel  les  prisonniers  du  Roy  estoyent  enserrez.  Il  fut  donc  la  en  la  prison.  21.  Mais  l'Eternel  estoit  avec  luy,  et  eut  compassion  de  luy,  et  luy  donna  grace  envers  le  maistre  de  la  prison.  22.  Et  le  maistre  de  la  prison  bailla  entre  la  main  de  Ioseph  les  prisonniers  qui  estoyent  en  la  prison:  et  tout  ce  qu'on  souloit  la  faire,  il  le  faisoit.  23.  Et  le  maistre  de  la  prison  ne  revoyoit  rien  de  tout  ce  qui  estoit  en  sa  main,  pour  autant  que  l'Eternel  estoit  avec  luy:  et  ce  qu'il  faisoit  l'Eternel  le  faisoit  prosperer.  Chapitre  XL.  1.  Apres  ces  choses  surveint  que  le  sommelier  du  roy  d'Egypte,  et  le  panetier  offenserent  le  roy  d'Egypte  leur  maistre.  2.  Et  Pharao  fut  marri  contre  ses  deux  Eunuques:  assavoir  contre  le  maistre  sommelier  et  le  maistre  panetier.  3.  Et  les  mit  en  la  garde  de  la  maison  du  Prevost  des  mareschaux,  en  la  prison,  au  lieu  auquel  Ioseph  estoit  prisonnier.  4.  Et  le  Prevost  des  mareschaux  bailla  la  charge  d'eux  a  Ioseph,  et  il  leur  administroit,  et  furent  aucuns  iours  en  la  prison.  5.  Et  songerent  un  songe  tous  deux,  chacun  son  songe  en  une  mesme  nuit,  et  chacun  selon  l'intelligence  de  son  songe,  tant  du  sommelier  que  du  panetier,  qui  estoyent  au  roy  d'Egypte,  lesquels  estoyent  detenus  en  la  prison.  6.  Lors  Ioseph  venant  a  eux  du  matin,  les  regarde,  et  voici  ils  estoyent  contristez.  7.  Et  il  demanda  aux  Eunuques  de  Pharao,  qui  estoyent  avec  luy  en  la  prison  de  son  maistre,  disant,  Pour  quelle  raison  avez-vous  auiourd'huy  si  mauvais  visage?  8.  Et  ils  luy  respondirent,  Nous  avons  songe  des  songes,  et  n'y  a  nul  qui  ies  interprete.  Et  Ioseph  leur  dit,  Les  interpretations  ne  sont-elles  point