54:62  s'il  n'estoit  entre  iusques  aux  abysmes  afin  de  nous  en  retirer,  s'il  n'avoit  prins  nostre  malediction  sur  soy,  afin  de  nous  en  descharger,  et  qu'il  n'eust  oste  le  fardeau  sous  lequel  nous  estions  comme  accablez,  que  seroit-c?  La  mort  seroit-elle  destruite?  Or  le  peche  domineroit  du  tout  en  nous,  la  mort  y  auroit  son  regne  quant  et  quant.  Et  de  faict,  qu'un  chacun  entre  en  soy,  nous  trouverons  que  nous  sommes  esclaves  de  Satan,  qui  est  le  prince  le  mort.  Nous  voila  doncques  enclos  en  ceste  miserable  servitude,  sinon  que  le  diable,  le  pecho  et  la  mort  soyent  destruits  de  Dieu.  Et  cela  se  fait,  mais  comment?  D'autant  que  par  le  sang  de  nostre  Seigneur  Iesus  Christ  il  a  efface  toutes  nos  macules.  Combien  doncques  que  nous  soyons  povres  pecheurs,  et  que  par  ce  moyen  nous  soyons  redevables  au  iugement  de  Dieu,  tant  y  a  que  le  pecho  ne  nous  peut  nuire,  que  l'aiguillon  ou  est  le  venin,  est  tellement  rebouche,  qu'il  ne  nous  peut  picquer,  d'autant  que  Iesus  Christ  en  a  eu  la  victoire.  Car  il  n'a  pas  souffert  en  vain,  l'effusion  de  son  sang  n'est  point  tombee  a  terre,  ni  a  l'aventure,  mais  c'a  este  un  lavement  duquel  nous  avons  este  arrousez  par  le  sainct  Esprit,  comme  sainct  Pierre  le  monstre.  Ainsi  doncques  nous  voyons  bien  que  sainct  Paul  traittant  de  l'Evangite  auquel  Iesus  Christ  nous  est  apparu,  et  nous  apparoist  iournellement,  ne  met  pas  en  oubli  sa  mort  et  passion,  et  toutes  les  choses  qui  appartieneut  an  salut  du  genre  humain.  Il  nous  faut  doncques  noter  ces  deux  choses:  c'est  qu'en  la  personne  de  nostre  Seigneur  Iesus  Christ  nous  avons  tout  ce  que  nous  devons  desirer,  nous  avons  pleine  et  parfaite  fiance  de  la  bonte  de  Dieu,  et  de  son  amour  qu'il  nous  porte.  Pourquoy?  Voyons-nous  que  nos  pechez  nous  separent  d'avec  Dieu,  et  qu'ils  soyent  cause  de  guerre  et  d'inimitie  mortelle?  Nous  avons  l'appointement  en  nostre  Seigneur  Iesus  Christ.  Pourquoy?  Il  a  espandu  son  sang  afin  de  nous  laver  de  toutes  nos  macules,  il  a  offert  un  sacrifice  par  lequel  Dieu  est  reconcilie  avec  nous,  ii  a  fait  le  payement  de  toutes  nos  dettes  :  brief,  il  a  aneanti  la  malediction  afin  qu'auiourd'huy  nous  soyons  benis  de  Dieu.  Et  puis  ii  a  vaincu  la  mort,  et  a  triomphe  sur  icelle  afin  de  nous  delivrer  de  sa  tyrannie,  qui  estoit  pour  nous  accabler  du  tout:  il  a  eu  une  vertu  pour  tout  surmonter.  Ainsi  donoques  nous  voyons  toutes  les  choses  qui  appartieneut  a  nostre  salut,  avoir  este  accomplies  en  nostre  Seigneur  Iesus  Christ.  La  dessus  pour  entrer  en  possession  de  tous  ses  biens,  notons  que  tous  les  iours  il  nous  apparoist  par  son  Evangile.  Il  est  vray  qu'il  habite  en  sa  gloire  celeste,  nous  ne  le  verrons  point  ici  d'une  facon  visible,  et  en  ceste  vie  terrienne:  mais  tant  y  a  qu'il  ne  s'est  point  voulu  eslongner  de  nous,  et  ne  faut  point  que