51:62  crieront  au  meurtre,  et  il  faudra  qu'ils  s'en  facent  de  grosses  escarmouches  :  et  cependant  il  y  aura  une  grosse  poutre  en  leur  oeil,  cela  ne  leur  sera  rien,  comme  nostre  Seigneur  Iesus  en  parle.  D'autant  donc  qu'il  y  en  a  beaucoup  qui  eslargissent  leur  conscience,  et  avalleront  un  boeuf  tout  entier,  et  cependant  ils  couleront  un  moucheron  quand  il  sera  question  des  autres:  voila  pourquoy  il  nous  faut  garder  de  n'estre  point  trop  aspres  et  trop  rudes,  quand  il  sera  question  de  redarguer  nos  freres.  Et  cependant  aussi  il  y  en  a  qui  ont  un  zele  inconsidere,  il  n'y  aura  que  vinaigre  et  amertume,  et  leur  semble  qu'ils  ne  s'acquittent  point,  sinon  qu'ils  sonnent  haut  comme  a  la  trompette  quand  quelqu'un  aura  failli.  Et  auiourd'huy  combien  y  a-il  d'avertissemens  qui  se  font  par  une  droicte  solicitude?  Quand  quelqu'un  verra  son  prochain  aller  a  mal,  il  doit  (s'il  a  acces  et  ouverture)  luy  remonstrer  sa  faute:  mais  rien  de  tout  cela.  Car  (comme  i'ay  dit)  chacun  espiera  et  sera  la  comme  aux  escoutes  faisant  le  gue,  pour  voir  s'il  pourra  trouver  a  redire  sur  quelqu'un,  et  la  il  usera  d'austerite,  iusques  au  bout.  Vray  est  que  ceux  qui  sont  ainsi  menez  trop  rudement  ne  s'en  peuvent  plaindre.  Car  dont  procede  ce  mal  qui  est  tout  accoustume  auiourd'huy  entre  les  hommes,  c'est  a  scavoir  que  nul  ne  soit  averti  en  prive,  a  fin  de  se  reduire  a  Dieu:  mais  qu'on  publie,  voire  et  avec  diffame  les  vices  qui  estoyent  cachez?  C'est  pour  ce  que  chacun  ferme  la  porte,  d'autant  que  nous  avons  les  aureilles  trop  chatouilleuses,  et  ne  pouvons  souffrir  qu'on  nous  dise  nos  veritez:  mais  voulons  nous  tenir  en  possession  de  tout  mal,  comme  si  Dieu  estoit  deboute  de  sa  superiorite,  et  qu'il  n'eust  nulle  iudicature  par  dessus  nous.  D'autant  donc  que  chacun  se  veut  exempter  de  correction,  voila  pourquoy  tous  sont  dignes  qu'on  les  traitte  ainsi  durement,  et  qu'ils  soyent  maniez  a  la  facon  d'ennemis,  et  non  pas  de  freres:  Car  la  fraternite  ne  peut  estre  entre  nous,  sinon  que  les  corrections  ayent  lieu,  et  que  chacun  y  soit  suiet,  voire  de  son  bon  gre:  mais  d'autant  que  nous  ne  voulons  estre  nullement  redarguez,  nous  meritons  bien  qu'on  nous  traitte  en  telle  rigueur  et  si  excessive.  Pour  ceste  cause  sainct  Paul  met  ici  le  moyen,  c'est  a  scavoir  que  nous  devons  avoir  le  soin  l'un  de  l'autre,  tellement  que  si  quelqu'un  tresbuche,  il  soit  redresse.  Et  comment?  Par  bonnes  admonitions:  Car  c'est  le  remede  que  Dieu  nous  a  establi  par  sa  parole,  mais  cependant  que  nous  ne  soyons  point  si  aigres  en  reprenant  les  fautes  d'autruy,  que  nous  ne  pensions  a  mesler  l'huile  parmi  le  vinaigre,  et  que  nous  n'apportions  cest  esprit  de  mansuetudo.  Car  ce  seroit  peu  de  chose  que  nous  eussions  la  bouche  sucree  comme  auront  beaucoup,  et  cependant  le  venin  au  coeur.  Et  pourtant  sainct