50:62  Sed  vincit  postea  contrarius  affectus,  hoc  est,  vivendi  appetentia:  ut  mortem  horreant,  neque  mortalis  vitae  diuturnitate  graventur.  Gemitus  autem  fidelium  inde  nascitur,  quod  se  exsuiare  hic  sciunt  extra  patriam:  quod  sciunt  se  corpore  inclusos  teneri  tanquam  ergastulo.  Ideo  hac  vita  gravantur,  quod  in  ea  potiri  verae  et  perfectae  beatitudinis  nequeunt,  quod  peccati  servitutem  nonnisi  morte  possunt  effugere:  ac  proinde  alio  adspirant.  Sed  quia  naturale  est  cunctis  animantibus,  ut  esse  appetant:  qui  fieri  potest  ut  fideles  libenter  desinant  esse?  Hanc  quaestionem  solvit  apostolus,  quum  dicit,  fideles  mortem  non  ideo  appetere,  ut  sibi  aliquid  decedat:  sed  melioris  vitae  respectu.  Quamquam  verba  plus  exprimunt  :  concedit  enim,  nos  praesentis  vitae  solutionem  per  se  naturaliter  fugere  :  quemadmodum  nemo  se  libenter  patitur  exui  suis  vestibus.  Sed  postea  subiungit,  naturalem  mortis  horrorem  superari  a  fiducia:  sicuti  non  difficulter  vestem  pannosam,  sordidam,  detritam,  laceram  denique  quivis  abiiciet,  ut  eleganti,  nitida,  nova  et  durabili  ornetur.  Metaphoram  deinde  exponit,  dicens,  ut  des  t  r  u  a  t  u  r  quod  mortale  est  a  vita.  Nam  quia  caro  et  sanguis  regnum  Dei  possidere  nequeunt:  necesse  est  interire  quod  corruptibile  est  in  natura  nostra,  ut  vere  reparemur  et  restituamur  in  perfectum  statum.  Hac  ratione  corpus  nostrum  vocatur  carcer,  qui  nos  premit.  5.  Qui  autem  aptavit  nos.  Hoc  ideo  additum,  ut  sciamus  hunc  affectum  esse  supernaturalem.  Neque  enim  proprius  naturae  sensus  huc  nos  impellet:  quia  illam  centupli  compensationem  non  percipit,  quae  provenit  ex  grani  mortificatione.  A  Deo  igitur  nos  aptari  necesse  est.  Modus  quoque  simul  adiungitur,  quod  nos  spiritu  suo  tanquam  arrha  confirmat.  Quamquam  particula  etiam  ad  amplificationem  posita  videtur:  ac  si  dixisset:  Deus  est,  qui  format  in  nobis  illud  desiderium:  ac  ne  animus  nobis  labascat  aut  vacillet,  spiritus  sanctus  nobis  arrhae  instar  est:  quia  facit  suo  testimonio  ut  firma  sit  ac  rata  promissionis  veritas.  Duo  enim  haec  sunt  officia  spiritus  sancti,  ostendere  fidelibus  quid  appetendum  sit:  deinde  efficaciter  ipsorum  corda  afficere  et  eximere  omnem  dubitationem,  ut  constanter  in  electione  boni  perstent.  Non  tamen  male  conveniet  longius  extendi  aptandi  verbum  ad  vitae  renovationem,  qua  suos  iam  ornat  Deus  in  hoc  mundo:  quia  hoc  modo  iam  eos  a  reliquis  separat,  et  ostendit  ad  peculiarem  sortem  sua  gratia  esse  destinatos.  6.  Confidimus  ergo  semper.  Nempe  freti  arrha  spiritus.  Alioqui  enim  trepidamus  semper  vel  saltem  alternis  confidimus  aut  timemus:  non  retinemus  unum  et  certum  animi  tenorem.  Itaque  tunc  demum  nobis  constat  hic  bonus  animus,  de  quo  loquitur  Paulus,  quum  sustinetur  a  spiritu  Dei.  Copula,  quae  mox  sequitur,  resolvi  debet  in  causalem  particulam,