42:62  Comme  quoy?  Quand  nous  avons  un  estat  paisible,  si  faut-il  qu'il  y  en  ait  qui  enseignent,  comme  Dieu  ha  ordonne  cette  police  la,  qu'il  y  ait  des  pasteurs  qui  enseignent,  et  que  ceux-la  annoncent  sa  parole,  qu'ils  soient  comme  ses  messagers,  voila  donc  un  ordre  perpetuel  en  l'Eglise  de  Dieu,  mais  encores  quand  le  diable  suscite  des  troubles,  que  les  loups,  et  les  larrons  viennent  pour  assaillir  le  troupeau,  alors  les  pasteurs  doivent  faire  leur  office  plus  que  iamais,  qu'il  faut  que  la  ils  s'emploient  en  telle  necessite  extraordinaire:  voila  donc  ce  qu'a  entendu  ici  le  prophete,  en  disant  que  les  prudens  enseigneront  ceux  qui  ne  sont  pas  si  bien  instruits  ni  confermes  en  la  loy  de  Dieu.  Or  par  cela  nous  voions  en  premier  lieu,  qu'il  ne  se  faut  point  esbahir  s'il  j  en  ha  beaucoup  qui  seroient  bien  tost  desbauches,  sinon  qu'on  les  retint,  et  qu'on  les  ramenast  au  chemin  de  salut.  Et  pourquoy?  Dieu  permet  cela,  pour  humilier  les  hommes  qui  n'auront  point  une  telle  prudence  en  eux,  ni  un  tel  scavoir  qu'ils  se  puissent  passer  d'instruction.  Quand  donc  il  y  aura  des  pauvres  personnes,  qui  ne  seront  pas  si  bien  enseignes,  qui  puissent  respondre  a  toutes  les  cavillations  et  subtilites  des  ennemis  de  la  foy,  il  ne  faut  point  pour  cela  qu'ils  perdent  courage,  et  qu'il  leur  semble  qu'ils  ne  soient  point  a  Dieu,  mais  il  faut  qu'ils  apprennent  a  se  fortifier,  voiant  qu'ils  ont  besoing  de  recevoir  instruction  et  doctrine  de  ceux  qui  sont  plus  avances  en  la  parole  de  Dieu,  et  qui  y  sont  mieux  exerces:  voila  donc  une  admonition  qui  est  bien  utile  a  tous  ceux  qui  ne  sont  point  si  grands  clercs,  et  qui  n'ont  point  este  a  l'escole,  et  qui  n'ont  point  trop  de  scavoir  en  l'escriture  saincte,  qu'il  faut  qu'ils  s'humilient  en  premier  lieu,  et  qu'ils  ne  soient  point  si  presomptueux  pour  s'avancer  outre  leur  mesure,  comme  nous  en  voions  d'aucuns  qui  ne  veulent  rien  ignorer,  et  combien  qu'a  grande  peine  aient-ils  aprins  trois  mots  de  la  verite  de  Dieu,  toutesfois  si  veulent-ils  tenir  bon  en  toutes  choses:  non,  non,  il  ne  faut  point  aller  avec  une  telle  outrecuidance,  mais  que  les  rudes  et  ignorans  connoissans  leur  simplesse,  que  cela  les  incite  a  s'humilier,  et  estre  modestes,  et  sobres,  et  puis  apres  il  ne  faut  pas  neantmoins  qu'ils  se  descouragent,  mais  qu'ils  cerchent  plus  ample  instruction,  et  qu'ils  usent  de  tous  les  moiens  qu'il  leur  sera  possible,  a  fin  de  se  confermer  a  la  verite  de  Dieu,  voila  comme  le  commun  peuple  en  doit  faire,  sur  tout  au  temps  de  persecution.  Il  est  vray  comme  i'ai  dit  que  c'est  un  ordinaire  en  l'Eglise,  que  tout  le  temps  de  nostre  vie,  il  nous  faut  tascher  a  profiter  en  la  doctrine  que  Dieu  nous  monstre,  mais  encores  quand  la  necessite  nous  y  contraint,  il  faut  que  nous  soions  alors  tant  plus  songneux,  et  que  cela  nous  incite,  et  nous  enflamme  d'avantage.  Or  de  l'autre  coste  ceux  qui  62