40:62  statuit  super  pedes.  Coniungitur  ergo  hic  operatio  spiritus  cum  sermone  Dei.  Sed  distinctio  interea  ponitur,  ut  sciamus  sermonem  externum  nullius  per  se  momenti  esse,  nisi  animetur  spiritus  virtute.  Si  quis  obiiciat,  supervacuum  igitur  esse  sermonem,  quia  per  se  non  est  efficax:  solutio  in  promptu  est,  quoniam  Deo  placet  hunc  tenere  modum  in  agendo  non  esse  cur  obstrepamus.  Sed  responsio  clarior  nobis  suppetit,  quamvis  Deus  operetur  semper  in  cordibus  hominum  per  spiritum,  tamen  sermonem  non  esse  absque  fructu:  quia  sicuti  Deus  illucet  nobis  per  solem,  et  tamen  ipse  solus  est  pater  luminum,  et  splendor  solis  nihil  prodesset  nisi  quatenus  utitur  Deus  illo  instrumento:  sic  etiam  tenendum  est  de  sermone,  quia  spiritus  sanctus  penetrat  in  corda  nostra,  illustrat  mentes.  Residet  igitur  penes  ipsum  spiritum  omnis  agendi  virtus.  Et  ideo  tota  laus  in  solidum  ad  Deum  referri  debet.  Intera  quis  prohibeat  quominus  utatur  spiritus  Dei  instrumentis?  Tenemus  ergo  Deam,  ubi  loquitur,  simul  addere  spiritus  sui  efficaciam,  quoniam  alioqui  sermo  esset  infructuosus:  et  tamen  sermonem  non  carere  effectu,  quia  coniungi  debet  instrumentum  cum  ipso  autore  actionis.  Haec  autem  doctrina  sic  breviter  exposita  sufficere  potest  ad  refutandas  stultas  obiectiones,  quae  volitant  in  ore  multorum,  dum  liberum  hominis  arbitrium  iactant:  dicunt  posse  nos  vel  audire  sermonem  qui  profertur,  vel  respuere.  Atqui  videmus  quid  dicat  propheta.  Si  quisquam  nostrum  idoneus  est  ad  praestandum  Deo  obsequium,  propheta  certe  excelluit  in  hac  parte:  et  tamen  sermo  Dei  nihil  efficaciae  apud  ipsum  habuit,  donec  spiritus  vires  contulit  ut  surgeret  super  pedes  suos.  Hinc  ergo  colligimus  quidquid  praecipiat  Deus,  non  esse  penes  nos  facultatem  parendi,  nisi  ab  ipso  proveniat.  Iam  sequitur,  3.  Et  dixit  ad  me,  Fili  hominis  mitto  te  (ad  verbum,  mittens  ego  te)  ad  filios  Israel,  ad  gentes  rebelles  (vel  defectrices),  quae  rebellarunt  (idem  est  verbum)  in  me  :  ipsi  et  patres  eorum  perfide  se  gesserunt  erga  me  usque  ad  ipsum  hunc  diem.  Iam  propheta  clarius  explicat  quorsum  oblata  fuerit  visio  cuius  ante  meminit,  nempe  ut  autoritate  instructus  posset  liberius  fungi  munere  prophetae  apud  Israelitas.  Scimus  enim  Deum  sibi  uni  vendicare  hunc  honorem,  ut  audiatur  in  ecclesia  sua,  et  merito.  Neque  enim  frustra  vocatur  legislator  noster:  et  sapientia  nostra  nihil  aliud  est,  quam  pendere  ex  eius  ore.  Quum  ergo  solus  Deus  sit  audiendus,  quisquis  mortalium  se  ingeret,  poterit  repudiari,  nisi  Dei  nomine  veniat,  ac  fidem  etiam  faciat  suae  vocationis,  atque  re  ipsa  comprobet  se  non  loqui  nisi  Dei  mandato.  Ergo  ne  frustra  operam  luderet  Ezechiel,  oportuit  ipsum  insigniri