39:62  inquit,  qui  facient  accubare  oves,  aut  gregem.  Tenemus  nunc  consilium  prophetae,  nam  posset  hic  quispiam  movere  quaestionem,  qui  non  esset  satis  exercitatus  in  scriptura,  an  ad  pastores  ovium  et  bubulcos  duntaxat  restringitur  haec  promissio?  Verum,  quemadmodum  iam  dixi,  solutio  in  promptu  est,  generalem  esse  promissionem,  sed  exprimi  hac  figura,  Deum  fore  custodem  populi  sui  ut  tuto  et  absque  metu  ullius  periculi  pastores  huc  atque  illuc  deducant  greges  suos,  vel  armenta.  Et  proximo  versu  idem  confirmat  Ieremias  ubi  enumerat  sicuti  prius  urbes  montanas,  urbes  campestres,  quae  scilicet  in  planitie  iacebant:  deinde  urbes  australes:  postea  adiungit  terram  Beniamin,  quae  erat  diversa  regio,  et  generaliter  adiungit  circuitus  Ierusalem,  et  urbes  Iehudah:  quid  autem?  transibunt,  inquit,  oves  per  manus  numerantis.  Hic  adhuc  exprimitur  maior  securitas,  quod  non  furtim  oves  suas  deducent  pastores,  ut  postea  tumultuose  eas  colligant,  sicuti  fieri  solet  ubi  aliquis  est  timor  periculi:  transibunt,  inquit,  oves  per  manus  numerantis.  Hoc  non  potest  fieri  nisi  in  alta  pace  et  otio.  Nam  ubi  est  terror,  vix  pastores  audent  gregem  suum  emittere:  deinde  non  audent  numerare,  sed  includunt  prius,  et  saepe  etiam  coguntur  abigere  in  sylvas  et  deserta  greges  suos,  ut  illic  lateant.  Quum  ergo  hic  numerationem  ponit  Ieremias,  significat  pacatam  fore  totam  regionem,  sicuti  aliis  verbis,  et  absque  figura  paulo  post  exprimit:  sed  prophetae  ita  exornant  beneficia  Dei,  et  simul  confirmant  debiles  animos:  quia,  ut  dictum  fuit,  haec  gratia  vix  poterat  gustari  a  Iudaeis  in  tanta  desperatione.  Propheta  igitur  crassum  et  popularem  stylum  adhibuit,  ubi  loquutus  est  de  gregibus  et  armentis.  Nunc  sequitur,  14.  Ecce  dies  veniunt,  dicit  Iehovah,  et  excitabo  (vel  stabiliam)  sermonem  meum  bonum,  quem  loquutus  sum  (vel  pronuntias)  ad  domum  Israel,  et  ad  domum  Iehudah.  Nunc  docet  Ieremias  quorsum  Deus  pollicitus  fuerit  adhuc  fore  ita  quietum  habitaculum  pastoribus,  ut  nullus  violenter  greges  ipsorum  invadat.  Promittit  enim  Deus  promissionem  suam  non  fore  irritam,  quia  paulo  post  effectus  patebit,  ubi  scilicet  misericordia  eius  fuerit  cognita  super  decem  tribus,  et  super  regnum  Iehudah.  Dicit  ergo  dies  venturos,  quia  oportuit  longius  respicere  fideles  quam  ad  praesentem  suam  fortunam.  Nam  ut  erant  tunc  fere  expositi  carnificinae,  tametsi  increduli  adhuc  vanas  spes  conciperent,  filii  Dei  videbant  centum  mortes:  ita  fieri  non  poterat  quin  fere  exanimaret  ipsos  terror.  Sed  in  exsilio  videbant  &e  procul  abstractos  esse  a  patria,  nec  sperandum  esse  reditum.  Ut  ergo  retineat  ipsos  propheta  bie  iubet  eos  extendere  sensum  suum  in  futurum  tempus.  Prae-