35:62  nous  desirons:  car  c'est  autant  comme  si  nous  lui  voulions  oster  sa  grandeur.  Voila  pour  un  Item.  Au  reste  notons  que  ce  n'est  point  assez  d'avoir  conceu  en  general  que  Dieu  est  grand  :  mais  il  faut  considerer  ceste  grandeur.  Autrement  nous  confesserons  assez  que  Dieu  est  tout-puissant,  que  comme  il  a  cree  le  monde,  aussi  il  a  toutes  choses  en  sa  main  et  en  sa  conduite  :  cela  ne  nous  coustera  gueres:  mais  ce  sont  des  confessions  volages,  et  pendantes  eii  l'air:  nous  n'en  ferons  point  nostre  profit,  si  nous  ne  passons  outre.  Que  faut-il  donc?  Il  faut  que  nous  appliquions  ces  miracles  de  Dieu  a  nostre  usage:  que  cela  nous  vienne  en  memoire,  Comment  est-ce  que  Dieu  doit  estre  grand?  A  ce  que  nous  soyons  du  tout  addonnez  a  lui  obeir:  quoi  qu'il  face,  que  nous  le  trouvions  bon:  comme  qu'il  dispose  de  nous,  que  nous  nous  y  accordions,  confessans  qu'il  est  iuste  :  combien  qu'il  nous  transporte  et  ca  et  la,  que  nous  demeurions  tousiours  fermes  en  ceste  resolution,  Qu'il  ne  nous  envoye  rien  qui  ne  soit  equitable.  Voila  donc  ceste  grandeur  de  Dieu  comme  elle  doit  estre  recognue,  c'est  qu'il  ait  toute  authorite  de  faire  de  nous  ce  que  bon  lui  semblera  :  et  non  seulement  de  nos  personnes  :  mais  en  general  de  toutes  ses  creatures.  Maintenant  donc  nous  savons  que  c'est  de  confesser,  que  Dieu  est  tout-puissant,  voire  a  bon  escient  et  sans  feintise.  Mais  encores  iamais  les  hommes  ne  se  pourront  ranger  a  l'obeissance  de  Dieu,  et  iamais  ne  lui  donneront  la  gloire  qu'il  merite,  sinon  en  cognoissant  que  c'est  d'eux,  et  que  c'est  de  Dieu.  Quand  nous  aurons  fait  ceste  comparaison,  que  nous  ne  sommes  rien  ��du  tout,  et  que  Dieu  surmonte  tout  ce  que  nous  pouvons  penser,  et  qu'il  a  en  soi  une  gloire  infinie:  quand,  di-ie,  nous  aurons  cognu  cela,  alors  nous  n'aurons  plus  ceste  vaine  confiance  pour  nous  avancer,  nous  ne  ferons  plus  des  chevaux  eschappez,  comme  nous  avons  de  coustume:  mais  nous  apprendrons  d'attribuer  a  Dieu  une  grandeur  infinie,  et  de  cognoistre  cependant  que  nous  ne  sommes  rien  qui  soit.  Or  pour  mieux  exprimer  cela,  Eliu  adiouste.  Que  Dieu  ne  respond  point  a  toutes  paroles.  Ceci  emporte  une  grande  substance  :  car  Eliu  nous  veut  monstrer  que  nous  ne  pouvons  pas  maintenant  comprendre  toutes  choses,  d'autant  que  Dieu  ne  nous  les  veut  point  reveler.  Voila  en  somme  ce  qu'il  a  entendu.  Or  il  nous  faut  observer,  que  Dieu  se  manifestant  a  nous  en  partie,  ne  veut  point  faire  que  nous  ne  soyons  enseignez  de  ce  qui  nous  est  bon  et  propre:  mais  si  est-ce  qu'il  cognoist  nostre  capacite:  Dieu  donc  nous  revele  sa  volonte  selon  nostre  portee:  cependant  il  se  reserve  a  soi  ce  que  nous  ne  comprendrions  pas,  pource  qu'il  surmonte  nostre  entendement.  Quand  nous  aurons  retenu  ceste  lecon,  nous  aurons  beaucoup  profite