26:62  nous  fortifiera  contre  toutes  tentations:  que  nous  ne  doutions  point  aussi,  qu'il  n'ait  le  soin  de  nous  pour  ceste  vie  caduque.  Et  si  les  hommes  ne  demandent  sinon  a  nous  exterminer,  remettons-nous  en  sa  protection,  attendons  qu'il  nous  sauve,  et  qu'il  nous  garantisse:  et  il  n'y  ha  nulle  doute,  que  s'il  a  une  fois  desploye  son  bras  fort  anciennement,  pour  secourir  le  peuple  d'Israel:  qu'auiourd'huy  sa  vertu  n'est  point  amoindrie,  sa  bonte  aussi  n'est  pas  diminuee  non  plus.  Voila  comme  nous  serons  asseurez  et  en  la  vie  et  en  la  mort,  et  selon  le  corps  et  selon  l'ame,  quand  nostre  Seigneur  sera  prest  pour  nous  secourir.  Mais  sans  cela,  il  faut  que  nous  soyons  plus  qu'esperdus.  Advisons  donc  pour  faire  nostre  profit  de  ceste  doctrine,  de  nous  demettre  de  tout  orgueil  et  de  toute  folle  presomption,  que  nostre  appuy  soit  en  Dieu  seul,  et  que  nous  apprenions  de  nous  exercer  en  ses  promesses,  et  soir  et  matin,  et  en  refrechir  la  memoire,  afin  que  par  ce  moyen  nous  soyons  armez  contre  toutes  tentations.  Quand  le  diable  nous  viendra  assaillir,  qu'il  ne  nous  trouve  point  deeproveus:  mais  que  nous  ayons  dequoy  luy  resister.  Et  que  pour  ce  faire  nous  ayons  la  parolle  de  Dieu:  que  quand  nous  en  serons  armez,  nous  aurons  un  assez  bon  equipage  pour  repousser  Satan,  et  tout  ce  qu'il  pourra  machiner  contre  nous.  Et  voila  pourquoy  d'autant  plus  nous  faut-il  estre  vigilans  a  escouter  ceste  doctrine.  LE  DEUXIEME  SERMON  SUR  LE  CHAP.  III.  V.  12-22.  DU  MBECEEDI  8E  DE  MAY  1555.  Ici  Moyse  continue  son  propos,  pour  monstrer  au  peuple  d'Israel  les  grands  biens  que  Dieu  luy  avoit  fait,  outre  son  esperance.  Car  comme  nous  avons  declare  ci  dessus,  le  royaume  de  Basan,  et  le  royaume  d'Hesebon  estoyent  comme  un  surcrois,  outre  ce  qui  avoit  este  promis  aux  peres  anciens.  Dieu  donc  s'estoit  la  monstre  liberal  de  superabondant.  Ainsi  il  falloit  que  le  peuple  recogneust  la  grace  de  Dieu  pour  le  magnifier:  comme  aussi  c'est  l'intention  de  Moyse.  Au  reste,  afin  que  le  peuple  ne  pense  point  avoir  acquis  et  conqueste  ce  pays-la  en  sa  main  ni  par  sa  force,  il  luy  est  declare  qu'il  a  bien  fallu  que  Dieu  le  conduist,  attendu  que  leurs  ennemis  estoyent  beaucoup  plus  robustes,  comme  il  est  parle  ici  de  leur  stature,  et  mesmes  la  terre  est  nommee  des  geans,  comme  un  memorial,  afin  que  le  peuple  cognoisse  qu'il  ne  pouvoit  pas  en  venir  a  bout,  si  Dieu  ne  l'eust  gouverne.  Et  ainsi  le  tout  se  doit  rapporter  a  ceste  fin-la,