22:62  et  ce  qui  nous  est  besoing,  il  nous  a  voulu  secourir  en  ceste  ignorance  et  a  supplie83)  du  sien  ce  qui  deffailloit  a  nostre  petite  capacite.  De  laquelle  benignite  nous  recevons  une  singuliere  consolation,  dautant  quil  nous  est  manifeste  que  nous  ne  luy  demandons  rien  desraysonnable,  estrange  ou  sans  propoz,  et  mesmes  qui  ne  luy  soit  aggreable,  puisque  nous  prions  quasi  par  sa  bouche.  Ceste  forme  et  reigle  de  prier  est  comprinse  en  six  demandes,  desquelles  les  trois  premieres  sont  specialement  assignees  a  la  gloire  de  Dieu,  a  laquelle  seule  il  nous  convient  avoir  esgard  en  icelles,  sans  quelque  regard  de  nostre  propre  proffit.  Les  trois  autres  sont  deputees  a  la  solicitude  de  nous  mesmes  et  a  requerir  les  choses  qui  appartiennent  a  nostre  bien.  Tellement  toutesfois  que  la  gloire  de  Dieu,  laquelle  nous  demandons  aux  trois  premieres  requestes,  tire  apres  soy  nostre  bien,  de  la  consideration  duquel  nous  destournons  en  icelles  nostre  esperit:  et  dautre  part  quil  nest  point  licite  de  demander  par  les  autres  trois  les  choses  qui  nous  sont  expedientes,  sinon  pour  la  gloire  de  Dieu.  Nostre  Pere  qui  es  ez  deuix.  Premierement  se  presente  ceste  reigle  que  toute  orayson  se  doibt  offrir  a  Dieu  au  nom  de  Christ,  comme  nulle  ne  luy  peult  estre  aggreable  en  aultre  nom.  Car  puis  que  nous  appellons  Dieu  nostre  Pere  il  est  certain  que  nous  pretendons  le  nom  de  Christ.  Certes  comme  ainsi  soit  quil  ny  ait  homme  au  monde  digne  de  soy  representer  a  Dieu  et  comparoistre  devant  sa  face,  ce  bon  Pere  celeste  pour  nous  delivrer  de  ceste  confusion,  laquelie  a  bon  droict  nous  devoit  troubler,  nous  a  donne  son  Filz  Iesus  pour  estre  mediateur  et  advocat  envers  luy,  par  la  conduicte  duquel  nous  puissions  approcher  de  luy  hardiment,  ayans  bonne  confiance  de  cest  intercesseur  que  rien  de  ce  que  nous  demanderons  en  son  nom  ne  nous  sera  desnie,  comme  rien  ne  luy  peult  estre  desnie  du  Pere.  Et  mesmes  que  le  throsne  de  Dieu  nest  pas  seulement  throsne  de  maieste  mais  aussy  de  grace,  auquel  en  son  nom  nous  ayons  la  hardiesse  de  comparoistre  franchement,  pour  obtenir  misericorde  et  trouver  grace  quand  en  avons  besoing.84)  Et  de  faict,  comme  nous  avons  loy  ordonnee  dinvoquer  Dieu  et  promesse  que  tous  ceulx  qui  linvoqueront  seront  exaulcez,  il  y  a  aussi  commandement  special  de  linvoquer  au  nom  de  Christ  et  promesse  donnee  dimpetrer  ce  que  demanderons  en  son  nom  (Ieh.  14  et  16).  83)  supplevit  (lisez:  supplee).  84)  in  auxilio  opportuno.