21:62  un  petit  Traitte  et  bien  familier,  de  la  Cene  du  Seigneur,  pour  l'usage  de  ceux  de  la  langue  Francoise  ;  afin  que  chacun  peust  estre  resolu  de  ce  qu'il  nous  faut  croire,  cercher  et  recevoir  en  la  Cene,  et  que  mesmes  les  plus  simples  n'eussent  occasion  de  douter.  Lequel  livre  cinq  ans  apres,  assavoir  l'an  1545,  pour  l'usage  de  ceux  qui  n'entendent  nostre  langue  Francoise,  fut  traduit  en  Latin  par  M.  Nicolas  des  Gallars,  lors  Ministre  de  ceste  Eglise,  et  depuis  de  l'Eglise  Francoise  de  Londres,  qui  encores  auiourd'huy  est  Ministre  de  l'Eglise  d'Orleans.  Une  chose  est  a  noter,  comment  ledit  Calvin  se  porta  prudemment  a  traitter  ceste  matiere,  tant  en  son  Institution  qu'audit  petit  livret;  car  voyant1)  que  la  miserable  contention  esmeue  pour  le  fait  de  la  Cene,  avoit  allume  un  feu  qui  estoit  pour  mettre  division  entre  les  Eglises,  tout  son  desir  fut  de  l'esteindre  par  une  claire  exposition  de  la  matiere,  sans  s'attacher  a  personne:  ce  qu'il  a  fait  si  bien  et  dextrement,  que  qui  voudra  bien  considerer  ses  escrits,  confessera  que  c'est  a  luy,  apres  Dieu,  qu'appartient  l'honneur  de  la  resolution  depuis  suyvie  par  toutes  gens  de  bon  iugement.  Il  eut  aussi  lors  cest  heur,  qu'il  ramena  a  la  foy  un  fort  grand  nombre  d'Anabaptistes  qu'on  luy  addressoit  de  toutes  parts;  et  entre  autres  un  iadis  Abbe  nomme  Paul  Volse,  auquel  Erasme  avoit  dedie  son  Chevalier  Chrestien  l'an  1518;  et  lequel  estant  converti  de  l'Anabaptisme,  est  mort  Ministre  en  l'Eglise  de  Strasbourg.  Il  y  eut  aussi  de  ce  nombre  un  nomme  Iean  Stordeur  natif  du  Liege,  lequel  estant  decede  de  peste  a  Strasbourg,  quelque  temps  apres  il  print  sa  vefve  a  femme,  nommee  Odillete  ou  bien  Idellete  de  Bure,  femme  grave  et  honneste,  (ce  que  il  fit  par  le  moyen  et  conseil  de  M.  Bucer)  et  avec  icelle  a  tousiours  vescu  paisiblement,  iusqu'a  ce  que  nostre  Seigneur  la  retira  a  soy  sans  aucuns  enfans,  car  combien  qu'elle  eut  un  fils  de  luy,  il  mourut  incontinent.  En  ce  mesme  temps,  assavoir  l'an  1541,  furent  tenues  en  Allemagne  [o  7]  quelques  iournees  Imperiales  sur  le  fait  de  la  religion,  a  Wormes  et  a  Ratisbone,  esquelles  Calvin  fut  esleu  des  premiers  par  l'advis  de  tous  les  Theologiens  Allemans;  ou  il  se  porta  tellement  que  sa  renommee  se  fit  grande  parmi  les  adversaires  mesmes.  Aussi  Philippes  Melanchthon  entre  autres  le  prit  des  lors  en  singuliere  amitie,  qui  a  tousiours  dure  depuis;  et  des  lors  l'appelloit  ordinairement  le  Theologien,  par  un  singulier  honneur.  Semblablement  Gaspar  Cruciger  qui  estoit  excellent  personnage,  et  l'un  des  Pasteurs  de  l'Eglise  de  Wirtemberg,  le  print  a  part  pour  conferer  a  loisir  privement  avec  luy,  le  priant  de  luy  deduire  au  long  la  doctrine  de  la  Cene  du  1)  Premiere  redaction  p.  8.