13:62  nostre  Seigneur  du  bon  couraige  quil  vous  a  donne  de  le  servir  iusques  au  bout  Comme  nous  devons  entierement  nous  adonner  a  luy  et  sans  reserve,  si  nous  voulons  estre  recongneuz  des  siens,  il  reste  de  scavoir  comment  vous  pourrez  deuement  vous  employer  a  son  service.  Il  est  vray  que  la  terre  est  sienne,  et  que  par  tout  il  nous  est  licite  dhabiter,  moyennant  que  nous  ayons  le  soing  de  nous  conserver  impolluz,  pour  lhonorer  tant  de  corps  comme  desprit.  Quant  il  nous  est  dict  que  toutte  la  terre  est  sainte,  cela  nous  admoneste  que  nous  ne  la  devous  nullement  souiller  en  mal  vivant.  Il  ny  a  maintenant  qua  regarder  si  en  simulant,  comme  vous  faictes,  vous  nestes  point  participant  des  pollutions  que  vous  condamnez  a  bon  droict  aux  infidelles.  Jentens  bien  que  vostre  coeur  est  bien  loing  dy  consentir,  mais  en  monstrant  signe  dy  communiquer,  il  ny  a  doubte  que  vous  ne  faciez  profession  dy  consentir.  Or  comme  devant  Dieu  nous  devons  detester  lidolatrie,  aussy  devant  les  hommes  il  nous  convient  abstenir  de  ce  qui  peult  donner  a  congnoistre  que  nous  lapprouvons.  Cest  bien  raison  que  le  corps  soit  garde  a  Dieu  tout  pur,  comme  lame,  puis  quil  est  temple  du  S.  esprit,  et  a  la  promesse  de  la  gloire  immortelle  qui  sera  revelee  au  dernier  iour.  Or  est  il  impossible3)  demployer  entierement  au  service  de  Dieu  corps  et  ame,  et  ce  pendant  faire  semblant  de  convenir  avec  les  idolatres,  en  ung  acte  que  nous  congnoissons  estre  au  deshonneur  de  Dieu!  Il  ne  suffit  pas  de  respondre  icy  que  vous  nen  faictes  nulle  declaration  de  bouche,  plustost  que  vous  seriez  prest  a  protester  le  contraire,  si  vous  en  estiez  requis,  car  vous  scavez  bien  que  vous  ny  allez  a  aultre  intention,  sinon  pour  monstrer  aux  ennemys  de  Dieu  que  vous  ne  reiectez  point  ce  quilz  font,  car  si  ce  nestoit  pour  leur  gratiffier,  et  par  ce  moyen  eviter  lopinion  destre  repugnant  a  leurs  sacrileges,  iamais  vous  nen  approcheriez.  Et  cela  nest  aultre  chose,  sinon  faire  hommaige  a  leur  idole  par  faintise,  combien  que  laffection  ny  soit  pas.  Sil  vous  semble  que  iespluche  les  faultes  de  trop  pres,  ie  vous  prie  dentrer  en  vousmesme,  et  vous  trouverez  que  ie  ne  vous  mectz  rien  en  avant,  de  quoy  vostre  conscience  ne  vous  redargue.  De  la  iugez  si  Dieu  ny  trouve  pas  encores  a  redire  beaucoup  plus,  car  il  y  voit  bien  plus  cler  que  nous.  Parquoy  de  conseiller  a  ung  homme  Chrestien  de  continuer  en  tel  estat,  ie  ne  puis  selon  le  iugement  que  Dieu  ma  donne,  et  ne  scay  que  dire  pour  toutte  resolution,  sinon  que  celuy  qui  est  hors  dune  telle  captivite4)  est  bien  heureux.  Ainsy  quiconque  a  le  moyen  de  sen  re-  3)  si  possible  Bt  4)  contrainte  Bt.