10.1:62  Que  celuy  qui  aura  reitere  plusieurs  fois  les  blasphemes  sur  le  champ  soit  pugny  au  double  quant  a  la  prison  et  amende.  Et  afin  que  tels  edictz  soient  observez,  que  le  seigneur  Lieutenant  estant  adverty  du  delict  puisse  appeller  a  serment  ceulx  qui  auront  este  presens  pour  en  rendre  tesmoignage,  encores  que  nul  ne  se  face  partie.  Des  blasphemes.  Le  23  novembre  1551,  en  Petit  Conseil.  Des  sermens  frivolles.  L'on  vous  faict  ascavoir  de  la  part  de  noz  magnifficques  et  tresredoubtez  seigneurs  sindicques  et  conseil  de  Geneve,  qu'il  est  expressement  deffendus  a  ung  chascun,  que  nul  de  quelle  qualite  et  condition  qu'il  soit  ne  soit  ouse  ne  si  hardy  de  iurer  le  nom  de  Dieu  sus  la  poyne,  pour  la  premiere  foys,  de  baiser  terre  et  crier  a  Dieu  mercy,  pour  la  seconde  de  rebaiser  terre  a  genouiz  en  criant  a  Dieu  mercy  et  de  dix  solz,  pour  la  troysiesme  fois  de  soixante  solz  et  d'ung  iour  et  une  nuict  en  prison  en  pain  et  eau:  et  pour  la  quatriesme  foys  de  estre  prive  de  la  cite  pour  troys  moys  avecq  la  paine  dessus  prochainement  narree.  Des  blasphemes.  Item  que  nul  de  quelle  qualite  et  condition  qu'il  soit,  soit  ouse  ne  si  hardy  de  blasphemer  le  nom  de  Dieu  en  quelque  sorte  que  ce  soit,  sus  la  paine  pour  la  premiere  foys,  d'estre  mys  en  prison  ung  iour  et  une  nuict  en  pain  et  eau,  de  baiser  terre  a  deux  genoulx  demandant  a  Dieu  pardon  a  teste  nue  et  de  dix  solz.  Pour  la  seconde,  de  estre  mys  en  prison  deux  iours  et  deux  nuict  en  pain  et  eau  et  rebaiser  et  demander  pardon  comme  dessus  et  de  vingtz  solz.  Pour  la  troysiesme  foys,  d'estre  remys  et  detenus  en  prison  troys  iours  et  troys  nuictz  en  pain  et  eau  et  de  estre  mene  par  les  officiers  au  lieu  mesmes  qu'il  aura  blaspheme  et  illech  fere  reparation  de  tel  blaspheme  en  baisant  la  terre  a  deux  genoufz,  la  teste  nue  en  signe  de  repentence  et  de  soixante  solz.  Pour  la  quattriesnie,  de  estre  prive  de  la  cite  pour  six  moys,  ioinct  la  paine  dessus  prochainement  declairee.  De  despitementz  et  renoncementz  de  Dieu.  Item  que  nul  soit  si  ouse  ne  si  hardy  de  despiter  ny  renoncer  Dieu  son  createur,  sus  la  poine